CDF-KKG hriamtlai pawl an retheih caan i an thawchuahnak te hi rak zoh ve hmanh uar an um kho tuk e. Lai pasal ttha nan leiah Bawipa a ttang pengko ti kha philh hrimhrim hlah uh Bawipa nih an um pi peng ko hna, kan in uar tuk hna, kan in uang tuk fawn hna.
A tanglei ah an hla Video kan van thil chih zoh cio khawh i zuam hna usih.
Thawngpang dang relchap : Zaangfak Tuk An Si, Kawlram Mi Nan Silo An Ti Hna Caah Ralhrang Nih Tamtuk An Tlaih Hna
Ayeyarwaddy Ramṭhen, Wakema khua Dayutmeik hlei pawng ah Yangon kal aa thawhmi tilawng pakhat chung ah rammi, sinak a ngei lomi minung 56 cu August 21 an tlaih hna, tiah palik he naihniam mi hna sinin theih a si.
Yangon a kal ding tilawng pakhat chung ah rammi sinak a ngei lomi 56 an um, ti thawng an theih caah Dayutmeik hlei pawng in SAC ralkap le palik nih an bawh hna i, tilawng khaltu telh in minung 56 an tlaih hna, tiah theih a si.
“Zinglei ah tilawng cu checkhlatnak an tuah i, an tlaih. A chung ah rammi sinak a ngei lomi pa 30 le nu ngakchia 26 an si,” tiah palik he naihniam mi pakhat nih a chim.
Tlaih a tongmi hna cu Wakema palik le SAC ralkap nih bia an hal hna i, Yangon in Malaysia ah kal aa timmi an si, tiah theih a si.A luancia July 23 ah Pathein peng Shwethaung Yan rili kam ah tilawng nih, rammi sinak a ngei lomi minung 46 a phorhmi hna zong SAC ti ralkap nih an rak tlaih hna.
thawngpang dang relchap : Timit Ah CNA/CDF Update: Furpi Aa Lim Rih Lo, Ruahti A Tlak Peng Rih Caah Chum A Zaam Deuh Peng Rih
Furpi aa lim rih lo, ruahti a tlak peng rih caah chum a zaam deuh peng rih. Caangvat le fikfak cu Yangon khua um Pura minthang pawng minung aa sul-letmi btk an si.
Timit ah rua le mau um ve lo caah ihkhun hun donh awk fawizaang um lo. Furpi Vawlei hnawng le daam lakah an it,an ei an ding. Vawlei dat sau ngai i dawp ter ahcun zawt a fawituk.Cucaah an eidin a thawt pah lo cun taksa damlonak nih a tlak tuan khawh hna. Mah caah heh tiah ramchung ramleng le Vaurawng hna nan cawlcangh nak hi man a ngeituk hringhran. Credit: Salai Williams Hlawnceu
Yesagyo Peng Khuate Kaangmi Hna Cu PDF Nih Bawmhnak An Pek Hna! Magway ramṭhen, Yesbagyo peng ah SAC ralkap nih khuate an khanghmi hna cu DPF nih facang le thlilri bawmhnak kan pek hna, tiah CDSOM nih cathanh an chuah. August thla chung ah SAC ralkap nih Yesagyo peng khuate an khangh caah inn 800 nak tlawm lo a ciam, tiah theih a si.
Inn khangh piak a tongmi hna cu Myaing PDF le humhimnak phu CDSOM, CRF- Myinmu, M2W hna nih facang tun 30, chiti pung khat, cite tun khat, meh-hang, chantling le puan kan pek hna, tiah CDSOM nih nizan August 22 ah an langhter.
Yesagyo peng Yelaykyun (ရေလယ်ကျွန်း) hmunram um, PDF pawl cu CDSOM telh in Sagaing ramṭhen ah umhmun khuarmi hna he i bawm in SAC ralkap an doh, tiah theih a si. SAC ralkap nih inn le lo an khanghmi hi Sagaing le Magway ramṭhen ah tam bik an khangh i, inn khangh a tongmi cu PDF nih bawmhnak an pek tawn hna, tiah theih a si.crd the chin post
Leave a Reply