Minung hi thin a linh rawk ah hin cun zeihmanh hi hual a si ti loh, ruah khawh a si hrimhrim ti loh. Zeiruang ah dah an i velh ti cu kan fiang lo nain an pa hnih karlak ah i hmuh thiam lo nak a fak hringhran ti cu fiang tein hmuh khawh a si.
Nu fa fa ko nih a tthawng hrim an tthawng an i vuak ning hi an sam zong a pong dih ko hnga lo hme maw ti tiang bak in a i phomh ko pasal i vuak nak hmanh in a fak deuh ko hnga lo hme maw ti tiang in ruah khawh a si, an i vuak chung hi 5:37 minute chung bak an i phomh chung hi a si. Azei si poh ah an i vuak ning hi rak zoh ve hmanh a tanglei ah a Video kan van thil chih.
thawngpang dang relchap : Timit Hlei Dawn Ding In A Kalmi SAC Ralkap Pawl Cu Chin Zapi Ralkap Nih An Kah Hna I, SAC Ralkap 3 An Thi!
Timit Hlei Dawn Ding In A Kalmi SAC Ralkap Pawl Cu Chin Zapi Ralkap Nih An Kah Hna I, SAC Ralkap 3 An Thi!: Nihin August 3 ah Timit hlei dawn ding in a kal mi SAC ralkap 80 hrawng cu Chin zapi ralkap phufonh nih voi hnih tiang an rak kah hna i, kahdohnak ah SAC ralkap 3 an thi, hliam tuar zong an um, tiah CDF-Zophei nih cathanh an chuah.
An cathanh ning ah nihin August 3 chung ah a pikpak tete in suimilam 1 hrawng kahdohnak a chuak i, voi hnih cu faak ngai in an i kap. Nihin zanlei zong ah kahdohnak a chuak i, kahdohnak ah a thi le hliam an um le um lo fiang in theih khawh a si rih lo. SAC ralkap lei nih hriamngan an hman caah CDF lei nih an naih kho hna lo i, SAC ralkap lei zong an umnak in an chuak ngam lo, tiah CDF-Zophei nih an thanh.
SAC ralkap lei nih Timit kuangah umhmun khuar an timh caah July 31 khan SAC ralkap le Chin zapi ralkap hna cu an i kap cang. Kahdohnak ah cun SAC ralkap pawl cu CNA, CJDC ralkap, CDF-Zophei, CDF- Hakha, CDF-Thantlang le CDF- Lautu hna nih an kah hna, tiah theih a si.
Yekyi Peng Ah SAC Nih Rohingya 22 Tlaih Hna, Mawtaw Cung In Pahnih An Tla I Pakhat A Nunnak A Liam! Ayeyarwaddy ramṭhen Yekyi(ရေကြည်) peng Kuah – Ngatanchaung (ဂွ-ငါးသိုင်းချောင်း) mawtaw lampi ah Rohingya mi minung 22 cu SAC ralkap nih an tlaih hna, tiah theih a si. Kuah (ဂွ) peng Beda (ဗေဒါ) Check Gate ah Rohingya mawtaw citmi cu SAC ralkap nih an kham hna i, an dir duh lo caah an dawi hna. Rohingya pawl nih cun mawtaw cu chiah ta in ramlak ah an zaam, tiah theih a si.
A zaammi Rohingya pawl cu SAC ralkap nih an kawl hna i pa 9, nu 10 le ngakchia 3 an tlaih hna, tiah Ayeyarwaddy ramṭhen palik he aa naihniammi pakhat nih a chim. Mawtaw in an zaam lio ah nu pahnih cu mawtaw cung in an tla i pakhat cu a tlaknak hmun ah a nunnak a liam, pakhat cu hliamhma a tuar tiah a chim chap. An tlaihmi Rohingya pawl cu atu hi Yekyi palik sakhan ah bia an ceih lio hna, tiah theih a si. Credit : The Chin Post
Leave a Reply