Press "Enter" to skip to content

Benjamin Sum Nih Live In A Rak I Thlah Nak Hi Van Zoh Ta Usih

Myanmar Idol Season 4 Top 4 ah a dir cuahmah lio mi, Winner tiangin a kan hmuh piak hmanh maw tiah mipi nih an cuanh cuahmah lio mi Benjamin Sum nih ni hin chun ah khan Live in a rak i thlah nak hi van bih ta ve hna usih. A thlah lio ah a hmu rih lo mi tampi kan um lai caah a huam mi poh nih rak zoh cio hna usih.

Video a tanglei ah kan van chiah

Thawngpang dang relchap >>>>>>

USA House Judiciary Committe nih cun, ni 2 chung an buaipi hnu in President Trump “impeachment articles” konglam cu a chim i, cacawn nili nizan ah khan vote thlak ding ti si nain, cacawn ninga ni chun suimilam 10:00am ah vote thlak ding in biachahnak an tuah tthan cang. Hi bantukin vote thlaknak caan an thawn piak mi hna nih hin, Republican hna cu an thin hun tertuk hna ti si. Trump impeachment ngeihnak hi ” Kangaroo Court ” tiin an auh cang ti si fawn..

Rep,Louie Gohmet (Republican, Texas) zong nih House Judiciary comtt Chairman Jerryl Nadler of New York cawlcangh ning cu, “Stalin bantuk dictator” bantuk asi cang tiin a chim ve. Jerryl Nadler nih cun a tu-ah cun suimilam 11 PM asi cang i, vote thlaknak caah a tlaituk cang a ti hna. ni nih chungbak nan ruah len mi cu, lungfim tein vote nan thlak kho lai lo tiah ka phan caah a si a ti hna. Rep. Ted Deutch ,Democrat from Florida nih cun, “impeachment vote lak hi a pawimawhtuk mi asi caah chun ah thlak a ttha lai tiah a chim ve.

Cacawn ninga niah “Impeachment Articles” vote thlak a siah cun, House Floor ah hmaizarh cacawn nithum niah vote thlak tthan a si lai. cu hnu cun Khrismas chung cu dinh a si lai i, January thla ah Senate ah ruah tthan i vote thlak tthan a si te lai ti si. Senate ah Trump cu a sungh siah cun, a ih phah puan he, a mah umnak inn leiah a kir tthan cang lai tinak asi.

Si hmanhsehlaw, Sen.Mitch McConnelly ( Republican,Kentucky State ) Republican Senate Majorrity leader nih cun, Fox News sinah,White House Chuahtaknak dingin 2/3 Majority laknak dingah Change a um lo tiin a chim ve. zeipoh sisehlaw, house khuakhannak cu Senate ah a lankho lailo tiin a chim ve bak ko cang.

Republican hna nih cun,hau dah President Trump impeachment khawhnak tiang in biathli a chim mi cu tiah an hal mi hna a min le a sinak ( Whistleblower) cu pumpak himnak dingah ttihnuingtuk mi a si caah Democrats hna nih hin, an chim duh bak lo ti si. Whistleblower nih sihni a hlan mi Andrew Bakaj nih cun, a mah a ruai mi min a rak puangzartu sinah phungning in thil tuah a si lai tiin a rak hum ve ti si.

Sen. Rand Paul Of Republican , Kentucky mi nih cun, Media hna cu, Whistleblower cu hau dah a si ti le , a sinak tiangin mipi hmaiah langh ter cu nan rian a si tiin a ti ve hna ti si. Rand Paul hi Republican hna lakah hin “Rotekawla se Pa” bantukin huaisentuk in House chungah a cawlcang ve mi pakhat asi ve ti si.

Be First to Comment

Leave a Reply

Your email address will not be published. Required fields are marked *