An Luan Bak Si : Bus Chung Bak ah Nu Pakhat an Tlaihhrem I Mipi Hmuh Ah An Phozar (+Video)

Morroco ram ah Bus a tli lio mi chung ah nu pakhat cu misual pawl nih an tleih hrem i an tleih hrem lio cu video an lak i online ah mi zapi hmuh ding in an post . Khuaruah har a si mi cu Bus chung ah ai cit ve mi pawl zong nih cun bawm lo in an nih piak salam ve .

Tleih hrem a tong mi nu i a chung le nih cun a tleih hrem tu pawl hi a ran nak in hlat hlai tleih ding ah nawlngei tu hna sin ah nawl nak an tuah .Hi video nih hin online ah hmun hma a lak ngai i Morroco ram i nupawl nih an dirh mi women department pakhat nih cun hi tleihhrem nak kong hi cozah nih tha tein tuan vo a lak i a tleih hrem tu minung hi hrem nak fak an pek hrim hrim nak hnga tuanvo an lak ve.

Islam biakinn a bia tupawl an tam nak bik Morroco ram ah hi bantuk nu tleihrem nak hi zoh sawh men ding cu a hohmanh nih an duh ve cio lo ti a si Hi a tleihhrem tu cung ah hin an ram nu vialte an lung fak tuk i an ngeihchiat pi a tleihrem tu hi hrem nak ngan pi pek an si hrim hrim nak hnga nu vialte nih lungrual in an tikhawh chung in an ttang ve tiah theih a si.

thawngpang dang : NASA Thlahmi Rocket Nih Hlawhtling Tein Mars Vawlei Ah Oxygen A Chuah Khawh!

US Space Agency NASA nih Mars ah a thlahmi Perseverance Rocket nih Oxygen a chuahmi cu a hlawhtling i, hi Rocket nih hin kum 1 renglo Mars ah Oxygen a chuah khawh lai i rian a ṭuan kho lai, tiah August ni 30 cathanh chung ah an langhter.

Perserverance tiah min pekmi Rocket cu February 18, 2021 ah khan Mars vawlei a phan i, a rian cu Mars ah nunnak a um le um lo kawl a si. Amah tein Oxygen chuah kho ding in ser a si i, Nikum kum dongh lei ahkhan Oxygen a chuah khawh, tiah theih a si. Mars cung khuacaan aa thlen ning kip in hneksaknak voi 7 kan tuah i kan i ruahchan ning tluk in Oxygen a chuah khawh, tiah an chim.

Thingkung a thong he aa tlukmi oxygen chuah khotu seh thilri zong Mars vawlei ah kuat rih kan i tim i, Mars vawlei i minung kan kal hlan ah Oxygen kan chiah cia khawh ahcun minung kan va kal tik ah kan hman khawh te lai, tiah cathanh chung ah an langhter.

Mars Oxygen In-Situ Resource Utilization Experiment (MOXIE) nih kan tuahmi Oxygen a chuah khawhnak ding hi a voi khatnak bik kan hlawhtlin a si, tiah Massachusetts Institute of Technology’s (MIT) Scientist Michael Hecht nih cun a chim.

Be the first to comment

Leave a Reply

Your email address will not be published.


*