Amen || A thlarau Nunnak A Sung Dengmang Ko Nain , Athih Lai Taktak Te ah Khamh A Si Than Ee (+Video)

Amah hi Jesuhkhrih i Thawngtha ka rak chimh tawnmi asi.Jesuhkhrih cu a mah khamhtu le Bawipa asi tiah a zumh ve ko nain pawngkam le hawi hna i hremnak ruangah tipil zong a rak Inn lo bantuk in biakinn zong a ra lo a thli tein voi khat cu a ra nain hnu ahcun a ra ti lo.

A damlo i ka nu ka thi cang lai ka sayapa kha rak ka auh piak u a ti i Baibal ka rel piak Khrihfa hla ka sak piak cun thlacam ka cam piak hnu ah khrih ah dai tein aa dinh. Mi tampi nih cun budha a biatu ah an ruah nain thli tein Jesuh Khrih hnu zultu asi. Min men lawng in Khrihfa si nak chan cu thli tein Jesuh Khrih zumhtu si hi a tha deuh.

Myanmar ram cu biaknak Lei ah zalong nak a um lo caah Khrihfa asi ko nain Mahpungtin ah Budha ti aa tial mi an tam ngai. Mahpungtin ah Khrihfa ti tial ko buin Jesuh Khrih a zum lo mi men min Khrihfa an tam bantuk in Min men Budha asi mi an tam ngai ve. Vanram ah a kai hlan ah saya Jesuh cu a ka khamtu le ka Bawipa asi tiah a chim bu in aa dinh. Source :Ukling Thang

Be the first to comment

Leave a Reply

Your email address will not be published.


*