Vietnam khawpi a si mi Hanoi khua lamzpi cung i a vak men men mi pa pakhat cu muihmai ai langh ter lo mi hnipuam a nak mi ai hruk mi pakhat nih ai relh lo kar ah a hnubg lei in nam in ruah lo piin a ke a rak tan piak tiah thawng kan theih.
Min langh ter lo mi nam i tuk mi hma a tuar tu cu kan hnu ninga ni zanlei nazi 5 hrawngah khan Hong Van veng ah a vak i a lu in a ke tiang ai tuam dih mi minung pakhat nih nam in a orh lei ke a tan piak ko.
Cuti baantuk thil a van ton bak cun lampi ah cun a tlu i ai Zeidah ka ton e tiin a hmafah bu cun a hnulei a van zoh i nam ai ken mi pakhat cu a zam colh lio khi a hei hmuh manh ti a si. Cuti cun a ke ai thlaibu te cun ai hnuk i a pawngkam minung bomh a hal colh hna.
Caan zeimaw zat hnu ah cun palik pawl an rak phan i a rianran nak in sizung ah an tlik pi colh i an tuam hlawm. A mah cu vanchiat lei ah vanthat a mah a nunnak cu a him i a ke belte a bul thai diam ai.Hi bantuk in nam in a sawh tuhi a ho dah a si zeiruang ah dah a sawh timi hi fiangten theih a si rih loh nain an pawngkam i a hmutu minung pakhat nih cun lehrul cham duh nak a Neih Mi a um le a si lai tiah a chim.
A ruang cu nam tuk a tuartu pa hi phunglam kalh Ning in a cawlcang tawn mi pakhat a si i Cozah nih a duh lo Ning in a cawlcang mi a si cunHanoi khua paisa thaap mi lente celh nak he pehpartu a si ruangah a si.
Vawlei cung i thithruai Ning cang ah phunglam kalh Ning in a cawlcang mi pawl lak ah hin i thah nawn nak Faktuk a chuak tawn i a tu thil a cang mi he pehtlai in nam in mi a tuahmawh tu minung hi Palik nih an kawl cuahmah i Cozah nih duh lo mi lentecelh nak a tuahtu pawl zong an kawl chih ve hna.
thawngpang dang relchap : GooD News: Pakokko Thonginn In Ramkhel Lei Thongtla Mi 5 Cu PDF Nih An Chanhchuah Hna
Magway ramṭhen, Pakokko pengkomh thonginn in a zaam mi ramkhel lei thongtlami 5 cu tualchung hriamtlai phu nih an chanhchuah hna i, a himnak ah chiah an si cang, tiah Young Force (UG) nih an thanh.
Pakokko pengkomh thong inn in a zaammi hna cu dohthlennak a tuahtu ralkap chungtel 2 le ramkhel lei sualphawtnak in tlaih a tong mi 3 an si. September 10 ah khan chanhchuah an si i, a himnak hmun ah kalter an si cang, tiah theih a si.
Ramkhel lei thongtla minung 5 hna cu anmah te timhtuahnak in a zaammi an si i, Pakokko peng tualchung hriamtlai phu pah-kah-phah le Local PDF a si mi Pakokko peng tualchung hriamtlai phu PPDF, Young Force (UG), Pakokko pah-kah-phah phuhnih fonh, Pakokko Ranger, RSO(PKU) le tualchung hriamtlai phu dang hna he i bawm in thongtla a zaam mi pawl cu an va an bawmh hna, tiah theih a si.
Magway Ramṭhen, Yaw Hmunram PDF Sakhan Pakhat Cu SAC Ralkap Nih An Khangh! : “Hriamnam thazaang aa thlau tuk caah kan sakhan pakhat cu SAC ralkap pawl nih an kan hrawhpiak,” tiah Magway ramṭhen, Yaw hrambunh The Youth Force (Saw&Kyaukhtu) nih nihin September 11 ah cathanh an chuah.
Nizaan September 10 ah ṭat-mah 77 in minung thazaang 90 he rallam sialtu SAC ralkap hna cu TYF hmunram chung ah an lut i, Kyaukhtu hrambunh in hriamngan an thlah, hmaitonh i kahdoh ding ah kan thazaang aa thlau tuk caah kan sakhan cu kan chuahtak,” tiah TYF in ṭuanvo ngeitu nih a chim.
TYF phu hna cu an him dih nain, an kaltakmi sakhan le thlam hna cu SAC ralkap nih an khangh dih. Cun, cu sakhan pawng ah a ummi tualchung mi hna thlaam le leeng zong an khangh dih hna, tiah TYF nih an langhter.crd the chin post
Leave a Reply