Monywa-Mandalay lamcung ah PDF nih an chiah mi bomb thianh dingin a rak ra mi kawl ralhrang phu hna cu bomb in an puah hnawh than rih hna caah a hmun bakah 4 an thi cawlh i hliamfak a tuar i a thi ding an tam ngai rih lai tiah zumh asi.
Monywa-Mandalay lamcung hmunhma pakhat ah kawl ralhrang pawl cu thazaang tamngai le hriamtling he PDF bomb thianh ding le rallam sial in an rak rat cuahmah lio ah mipi vengtu ralkap Brave Heart Army BHA nih nizan August 6 ah khan Landmine in an phomh than rih hna i ralhrang 4 an thih pinah hliamtuar an tamtuk tiah theih asi.
Kawl ralhrang pawl cu PDF nih bomb an chiah ko lai tiah an zumhnak hmunhma an phak hlanah Brave Heart Army BHA nih cun landmine in an rak bawh cang hna i a caan te bakah landmine 2 in an puah hnawh khawh hna caah kawl ralhrang leiin 4 an thih hi asi i hliamfak a tuar mi zong an tampi nak hi asi tiah Brave Heart Army BHA lei nih cun an langhter.
Leave a Reply