Press "Enter" to skip to content

Vawlei Cung Facang A Chuak Tam Cemnak Ram 10

Asia hi facang a chuak cem i vawlei cung facang a chuak tam cem ram 10 hna cu; 10nak ah Japan a si. Atom bomb nih a rak hrawh nain a tu tiang hi a vawlei a ttha peng rih i a nikhua a dik peng. Sinain facang hi a bik in an ser loh i a dang dang cinthlak hi an ser deuh. 9nak ah Brazil a si. Facang phun 250 an kheonak ram a si i a ttha cem timi facang phun zong an i tel hna.

8nak ah Philippines ram a si. Facang hi an chawlehnak ngan bik a si i vawlei pumpi 2.8% hi a mah nih a cawm hna. 7nak ah Myanmar a si. A nikhua a umdan a ttha i ram dang zongah facang a kua kho ngaimi a si. 6nak ah Bangladesh a si. Ram hme a si nain a vawlei 28% hi cu a rawn caah cinthlaknak a rem. 5nak ah Thai a si.

Facang a ttha phun le a thaw phun tam taktak a chuahnak ram a si i mah cu facang a min cu jasmine a si. 4nak ah Vietnam a si. A mipi 17 million leng cu facang leithuangnak ah an ttuan hna i a thawmi facang phun lawng an ser hna. 3nak ah Indonesia a si. A cozah hrimhrim nih facang hi a chawlehnak caah ai bochan cemmi a si i a mipi cu facang lo ttuan dingin forhfialnak a tuah hna.

2nak ah India a si. India vawlei hi lei nem phun a si i cinthlak caah a ttha tuk. Cun ti zong a zatawk a ngei fawn caah a si. Vawlei cung facang market i facang 20% hi India facang a si. 1nak cu China a si. A mipi 80% cu facang lo an ttuan hna i a thaw phun le a ttha phun facang deuh hi an cin hna.
Source; worldstopbest.com

 

 

 

 

 

 

Be First to Comment

Leave a Reply

Your email address will not be published. Required fields are marked *