Press "Enter" to skip to content

Timhtuah Nak Sangpi A Nei Mi Hngakchia Nute Cu Motor Nih Thi Lak In A Pah A Poi Tuk E

Siang inn kai lio mi hngakchia nu te cu, a upat tik ah fa neih nak lei i harsat nak a tong mi hna hi ka bomh te hna lai tiah a rak chim bal mi a si, ruah lo piin, kan hnu, zarhteni (September 19) ahkhan mawtor nih a pah i a nunnak a liam.

Courtney Ellis te chungkhar nih cun, an fanu te cu an ui tuk hringhran. a nu nih hin a tuar kho bak loh a fanu te hi, mi nunzia tha le mifel, duhnung tuk mi a si zia hi mipi sin ah a chim lengmang.

England ram, St Helens khuapi, Haydock khua i a um mi kum 14 nute cu a nu Angela nih , “chungkhar a zawn a ruat tu a si, hawikom tleihchan mi le chungkhar sin um a nuam a ti tuk tawn tu a si. duh a nung tuk mi, umtu hawiher zong a thiam tuk hringhran.

Courtney cu siang inn a kai nak zong ah mark tha ngai mi a ngah zungzal. cu a sianginn kai nak i mark tha tuk mi a hmuh tawn zong ah siang inn ka dih tik i rian ka tuan nak ah a ka bawmtu tha a si te lai tiah a chim zungzal tawn.

Cu bantuk i thil ai timh nak nih cun thathawh nak tampi a pek tawn. Thinlung ngaihtuahnak lei ah cun kafanu Courtney hi cu a nu keimah bantuk bak hi a si ko. thil nung ramsa zuat mi harsat nak a tuar mi ti bantuk kan hmuh hna ah khin kannuafa tein, kan zangfak tuk hna i kan tap tawn.

Kan chungkhar in kan tuar kho bak loh, hi bantuk menmen in kanfanu a nunnak a liam ding hi cu kan rak ruat bal loh e, a nu nih hin, ka fanu ka hrinka te ah hin, kum 14 chung lawng a nun ding hi cu ka rak ruat hrim loh. Rak thei cia ning law cu kafanu hi thaten ka rak chimh cia hnga le kan nufa in kan i cenet deuh ko hnga e. tiah a ti.

A nu Angela nih cun a biachim mi cu a van pehthan i , “Courtney cu a unau le pawl he zong ai tleihchan tuk mi an si a hawi le pawl zong nih a nih cu a lungsau i hawi le kom cung zong ah zangfah nak le zawnruah nak a nei i kan tleihchan tuk tawn timi an chim lengmang tik ah hin, a nu hi lunglomh nak in ka khatlungawinak in ka khat” tiah a ti. A unau dang pawl zong nih an ui tuk i, “Kan in ngai tuk Cortney” tiah an ti.

Courtney i Siang inn a rak kainak Haydock high school pawl nih cun an tuarpi nak an langter i, “Courtney Ellis kan can ruangah kan zatein kan ngeih a chia i kan celh hrim loh. A thihnak nih hin, kan siang inn cu a hninh dih ko. Hi bantuk i kum no te van can cu ngeih a chia tuk e Courtney hi mifel tuk mi a si i, naute chuakka a zohkhenh tu ding ah cun mit a thi bak.

capo saihthiam le zumh awk tlak tak mi minung a si pin ah hawikom chungkhar zawn tiang a ruat mi a si.Thil hman le hman lo a thleidang thiam tu zong a si.” tiah an ti. Mi pakhat nih cun, “September 19 zarhteni ahkhan palik pawl nih cun St Helen lampi ah Courtney i thih nak he pehtlai in a theih pi tu minung an hawl cuahmah hna.

Mi 2 kum 18 le kum 19 mi cu thihnak tiang phan kho ding in rianrang tuk in motor a mawng mi an si ruang ah an mah pa hnih cu, lunghrinh nak in an tleih hna. Asinain biahal nak an neih hnu hna ah an thlah than hna” tiah a ti. A rak thei mi le hmutu nan um sual a si ah cun, @merpolCC or 101 quoting ref 20000569277 ah nan kawh khawh hna tiah thawngthanh nak an nei.

Credit : IHBURLEN

Be First to Comment

Leave a Reply

Your email address will not be published. Required fields are marked *