Press "Enter" to skip to content

Suh Kyi nih Chin mi pawl cu Mitha tuk nan si, NLD Vote A Herh Nak Kong Chimh Kan Duh hna a ti i hi kong hi a chim

Myanmar rampi i thimnak ding caan a nai cang, covid 19 zawtnak ruangah hruaitu pawl cu duh ning in an chuakvak kho lo i online an hmang tangkai tak tak. Tutan zongah NLD Chairman Daw Aung San Suh Kyi nih Chin ramkulh NLD party thawng ding in palai caah an lakmi Isacc Khen cu online in a komh.

Daw Aung San Suh Kyi nih “Chinram le Chinmi umnak hmun i ka kal tikah ka hmuh mi cu Chin mili pawl cu mi ttha tuk nan si. Chun ram i ka toaennak paoh ah nan lungthin dihlak in nan ka welcome i, khual tlung caah ngeihchunh mi laksawng pek hi nan nunphung ah ai tel. Ka philhkhawh lomi cu Lampi ka kal lio ah Chinmi pawl ka ton i, mi pakhat nih laksawng ah ar a ka pek. Rak ka theithiam piak law Ar cu ka la kho lai lo, zeicahtiah Ar cu ka kalnak kip ah put awk a tthat lailo caah ka theithiam hram ko tiah ka rak nawl tiah ti.

“Kan ngakchiat lai ah Chinmi pawl cu mitha nan si zia thei cang. Ka pa sinah “Chin Puan” laksawng an rak pekmi a um i, tuini tiang tha tein ka chiah. Tu ahcu ka vurh siang ti lo i, a rawk zaunak hnga lo tiah tha ten ka fim. Chin mi pawl cu mitha tuk nan si caah kawl le Chin ti in um ding kan silo. Kei zong mah bantuk ruahnak ka ngei lo. Chin cu kawl ah ser kan timh hna lo i, kawl zong Chin ah ser ka tim lo. An sinak bangin duh an nung veve ko. Chin puan cu Chin puan ti i auh a si tikah danglamnak te ka theih i Chin puan cu kawl puan ah then timhnak ka ngei lo.

“Tlangcungmi nan dihlak in mah le sinak ah duhnung mi le nunphung tha nei cia nan si. Rawhral dih lo dingin kilven a hau. Cu caah tuanbia i, a um bangin kan ttuantti tikah kan hlawh tling i cucu Chin mipi nih theithiam hna sehlaw ka duh.

“Myanmar ram sung i, Chinmi lawng si loin vawlei cung huap in Chinmi tiang vote pe kho ding in tuahtu cu Democracy chan ah a si. Mah bantuk i ka chimnak sullam cu NLD vote pek duh ruangah a siko. Zeicahtiah party dang vote pe loin NLD vote pe dingin kan duh piak hna nain na duh mi cu zalawng tein vote na pe kho ko. Asinain, kannih zong NLD party kan si bangin NLD party vote pe dingin sawm ding le aupi ding cu kan tuanvo a si. NLD vote pe uh ka lo tinak hna cu kan duhmi, a dikmi Democracy taktak ka duh ruangah a si.

“Atu ah Democracy kan lo ko nain Democracy taktak a si rih lo. Hram kan thok ka lawng a si i, phung hrampi le Democracy kal timhning he ai kaih lo. Tuah ding tampi a um rih. NLD mipi dihlak kan rian dih tiang ttuan ding in kan sawm hna. Party dang a zuam mi kan si lo i, a hmanmi Democracy caah ai zuam mi kan si tiah a chim.

Be First to Comment

Leave a Reply

Your email address will not be published. Required fields are marked *