Press "Enter" to skip to content

Online Chungah A Thianhlimnak Tiang In A Sian Ngam Mi Nungak Pakhat Cu A Lo Cikcek Ko

Nihin kan vawlei cung tlawnlen hi a tihnung cang i, aa ralring lomi cu an tlu thluahmah ko lai. An nunnak tiang ah tihnung dirhmun an phan kho i, an nunnak zeihmanh lo ah a tuah/sermi zong an um kho cang. Tutan kan tialmi zong nu pakhat nih a tonmi kong a si lai. Hitihin a si:

Online in tlangval pakhat he kan i tong i, kan biaruah a thawh i a tha chin lengmang. Kan i theih deuh hnu cun pumsa zong in kan i tong pah lengmang cang. Kum 30 ka si a ti i, dawtnak le zawnruahnak a ngeimi pa zong a si. Kan i pehtlaihnak a that chin lengmang tikah duhnak taktak tiang kan phan.

A caan ah restaurant tbk ah kan i tong pah lengmang i kan ding i kan ei ti tawn. Kan caan hmanh a nuam i a sunglawi chin lengmang. A hnuah cun ka pumpak sinak tiang a ka hal cang. Na virgin maw a ka ti i, ka sining tein ka chim. A chimmi cu ngaknu dang virgin pakhat ka hmuh i nangmah kan hmuh hnu cun ka chawn duh ti lo a ka ti.

Kan um ti lo caan zong ah message in kan i pehtlai lengmang. Voikhat cu ka umnak ah na ra kho hnga maw a ka ti i, a inn ahcun ka va lengmang. Riantuan lengmangmi a si tikah ka zumh tuk ve i, ngaknu dang ngeihnak caan a ngei lai ti zong ka zumh lo. Cu tikah ka sining in kaa pumpe cang. Ka voikhat lennak ah a ka tuah pi. Cuticun ka len fatin in kan tuah lengmng cang.

Asinain ngaknu dang a rak ngei. Facebook in ngaknu dang an ngei i, pehtlaihnak zong an ngei lengmang asinain ka rak thei lo. A rak ka hlen peng. Ka virgin tiang in ka pek cang i ka zumh tukmi pa nih a ka hlenmi cu ka zum kho lo. A hnuah ka vun theih deuh cu kum 30 si loin kum 41 a rak si diam.

Ka nu zong nih a theih cun a thinhung tuk. Hman duh sawhsawh ah an kawmhmi na si a ka ti i, tonter hrimhrim a kan onh ti lo. Ngaknu dang a thli in a ngeihmi zong keimah hi kum rual kan si. Keimah bantukin a buar ve thiamthiam. Ka tonh ahcun a si ning a phuan dih. Ngaknu no kan duh hna caah a si, asinain na zawn kan ruah tuk ko a ka ti.

Thinhung in ka chuah tak i, a phone No. zong ka delete i ka pehtlai ti lo, asinain a kong ruah loin ka um kho ti lo. Ka caah amah lawng minung a si ko cang ti tluk in ka ruah cang. Ka nun zong a har chin lengmang. Zeitin dah ka tuah lai?

Deidre: Na tonmi a har tuk hringhrang. Na nunnak par dawh an hrawmhpiakmi cu a poi ngaingai. A rak fim-zer tuk. Asinain na tuahmi a tha tuk. Chawnh loin um i zuam cang law online zong in zoh ti hlah. Zeidah a duhmi a si timi na theih cang. Zeitik hmanh aa thleng dingmi minung a si ti lo. Na caah santlai lo a si; amah naak in a tha deuhmi hmuh awk naa tlak ko. A ka hrawktu a si ti kha thei zungzal ko.

Be First to Comment

Leave a Reply

Your email address will not be published. Required fields are marked *