Press "Enter" to skip to content

Nupa nun: Naupawi lio ah nu-pa sinak hman a thiang maw?

Naupawi lio i nu-pa si nak hman hi a poi loh a ti tu minung an rak um ve bantuk in, a tha loh ti tu zong an rak um thiam thiam ve. A tlangpi in nu pawl nih hin, thla 9 chung bak nau an pawi i, hi thla 9 chung ah hin, nu-va si nak hman cu cak nak an nei hrimhrim lai timi cu a fiang cia a si.

Nu tampi nih an chim tawn mi bia cu, nau ka pawi i ka pasal nih nupa si nak hman a duh fawn, zeitik tiang dah kan hmanh khawh lai? Nauken in thla 6 tiang maw asilole thla 7 tiang dah? Nauken lio i nupa si nak hman hi teh a poi maw? Nau neih dih hnu ah teh nupa sinak tuah hi a poi maw? nauneih dih hnu ah zeitik hrawng ah dah kan hman khawh lai, zeitik can ah dah a ngah hnga?

Asilole naupawi lio ah nupa si nak kan hman tik ah, papawl i an baw a chuak mi nih khin naute a buai ter sual hnga maw?” timi pawl hi a tlang in an chim tawn mi a si. pa pawl zong nih theih an duh tuk mi thil a si. Hi bantuk biahal nak hi Bruce le Carol Britten nih cun an cabu “Answer for your Marriage” timi ah fiang tein chimfian nak a nei. mah cucu a tanglei bantuk hin a si.

Naupawi lio i nu-pa si nak hman : A thla 9 nak ahcun nu-pa sinak cu hmang hrimhrim hlah uh Thla 1 nak in thla 8 tiang cu nuam tein le zalong te in hmang ko uh. A thla 8 i na paw a lianh hnu zong ah, nai khawnden sual lo nak ding ah phundang deuh in nupa ai nak cu hmankhawh a si.

A taktak ti ahcun naupawi lio i nu-pa sinak hmanmi nih khin diriamh nak a pek deuh ti a si. Si ee, naupawi lio ah cun, nu i an fir timi(zahmawh i a ummi fir) nih cun phurnak thathawh nak tamtuk a rak pek. Pathian ih a timh mi thil tha cu: Naupawi lio ah nupi pasal cu nuva sinak an hman tik ah an i nuam chinchin lai timi hi a si. Hi nih hi, duhdawtnak i a khatmi inn ah naute chuak ding in a rak bomh ve tinak a si.

Cun naupawi lio ah pa i an baw cu naute um nak i a kal khawh lo nak ding ah a kharpiak tu a rak um. mah cucu‘Plug’ tiah an kawh. mah cu Plug nih cun pa baw kha naute sin ah phan kho lo ding in a rak kham piak dih. Curuangah cun zeihmanh phan ding a um loh. Thla 8 chung cu nuamtein nupa sinak hmankhawh a si ko. A thla 9 nak ahcun hman lo hramhram ah a tha. thla 8 chung cu nuamtein nupa ainak nan hman ah cun nan karlk ah dawtnak a fek chinchin lai.

Nau neih hnu Nu-pa si nak: Sibawi nih cun, “Naute a chuah hnu zarh 5-8 hrawng cu hngak ta uh, cu dih hnu cun nupa si nak hmankhawh than a si a ti. Zarh zeizah dah nan hngahta a hau timi cu nangmah na sibawi nih fiangtein, an chimh khawh ko lai.(Answer for your marriage)

Credit : Ihburlen Picture

Be First to Comment

Leave a Reply

Your email address will not be published. Required fields are marked *