Press "Enter" to skip to content

NLD Chairman Daw Aung San Suu Kyi I Candidate Hal Nak A Dohkalh Tu House Of Orchid Hotel Neitu U Htay Aung Cu Insein Thawnginn Ah An Thlak

NLD le Daw Aung San Suu kyi soisel nak bia he pehpar in, House of Orchid neitu Yangon ramthen kawhhmuh peng in, Independent Candidate U Htay Aung cu rampi nehsawh pohmah 124 (a) hmang in August 21 ah tleih a si Timi bia Yangon ramthen palik zung I tuanvo neitu Pakhat nih thawngthanh nak a tuah.

U Htay Aung cu pazuntaung uktu U Chan Ngein Aung nih a report i Yangon ramthen nichuah nak pengpi biaceih nak zung i lock up senh nak an lak hnu August 21 ah Insein thawnginn ah an kuat tiah palik Bawi Pakhat nih a chim. U Htay Aung cu 2020 rampi I thim nak ah Independent dirhmun in kawhhmu peng ah NLD Chairman Daw Aung San Suu Kyi he palai an i cuh lai tiah an rak chim cang.

NlD Cozah nih ramkip sin ah bomhnak a lak Timi bia he pehpar in U Htay Aung nih a neih mi House of Orchid hotel ah thawngpang chimfian nak cu August ni 8 ah a rak tuah. Cuhnu ah ramdang pawl bomhnak a lak tiin Daw Aung San Suu Kyi i Candidate hal nak cu a dohkalh I rampi election commission nih cun, August ni 15 ah an rak cohlan lo nak Kong an phuan.

U Htay Aung tleih nak he pehpar in, NLD biachim Tu, Dr. Myo Nyunt nih party dirhmun in Kan report lo i, party chungtel Pakhat khat sin zong ah report ding in tuanvo zong Kan pe hna loh tiah a chim.

U Htay Aung Case tuahpiak nak pohmah 124(a) cu palh nak nei an si ah cun, phaisa cawi pin ah kum 3 Chung thawngthlak siseh, phaisa cawi pin ah nunchung thawng thlak siseh, tiah yazatetgyi pohmah ah theihter a si.

Credit: Word Meifar

Be First to Comment

Leave a Reply

Your email address will not be published. Required fields are marked *