Press "Enter" to skip to content

Nan lung nan thum lo si cun thla 1 or 2 chungah kawlram a rawk dih lai

Dr Sa Sa cu interview an tuah nak ah hitihin a chim Tuhi cu a hlan kum 1988 bantuk a si tilo tu cu kum 2021 mino kan si cang caah ASEAN pawl kawlram lei rak ra an i timh mi hi an tlamtling i an rakra si cun sandah piah tu an milu le kan president tepawl he zong na ka ton piak hna lai tiah kan ti hrim hrim hna lai i tom duh loin anmah sipuaizi thatnak ca lawngah an ra si cun angah ti lailo hitluk kawlram mi pakhat hman him tein kan um ngam lo lio ah an mah that nak lawng an ruat i kawl ralkap pawl thapek nawn in an um si cun kawlram lawng hman silo in ASEAN ram zong a herh ningin tuah khawh nak kan i zuam lai.

A ngai ngai tiah cun ASEAN ram zonghi zeilei poah an hram bik hi cu ramdang thiam thiam an si ve ko caah a herh si cun ASEAN ram hman herh ningin tuah khawh nak caah kan i zuam lai Tu cu dantat nak lawng cun a za tilo tikah sernak a tel chih a hau cang

Taktak ah cun ralkap pawl nih an rian cu mipi himnak a pek tu a zohkhen tuding an si nain tu cu an mah tu nih nunnak caah thinphang in aka tuah mah bantuk ralkap hi zeiram hman ah an um lo kawlram lawngah an um Cu caah mipi pawl bia cah kan duh mi hna cu zeithil zeithil nan ton poah ah a can le hmanthlak tha tein a chia ulaw kan herh tik ah nan sinah kan lak colh nak hnga ramdang sinah chim kan duh tikah an ka zumh nak hnga tete ah kan herh te lai.

Hmai thla ah khin American ram ah vawlei cung UN meeting tuah nak a um lai i mah ah cun biachim nak nawl an ka pek ah cun a tling te bakin tete he ka chim dih lai Ahlan election lio ah an mah hluttaw aiawh in mipi nih an ka thim caah ka um nain nan thei ding pakhat cu keimah caah cun mipi hi a pakhat nak pengah nan um cucaah a tu buai nak kongah hin cun a dih tiang nan sin ah ka um lai lungdong loin tanh tti hna usih ti zong sawm kan duh hna Cun tu kawlralkap bantuk hi khau zei ram hman ah an um lo bantukin kawlram zongah um nak hmun an ngei lo tihi mipi nih thei ulaw tihi ka duh.

ASEAN ram lawng si loin tuhi US president he ton nak dingah kan i zuam cuahmah lio a si i kan ton khawh ko lai ka zumh kan ton khawh bak si cun a tling te bakin a ho he hman i lo loin a hman ning bakin kan chim dih lai zeiban ram uk tu an si hman ah minung cio kan si hna i tha tein thu tti in bia kan chim tti khawh hna si cun an i fiang ve ko lai tihi ka zumh nak a si caah Mipi pawl kan thei ding pakhat cu kawlram buainak ruangah hin cun rawl lo in a hohman kan thi lailo nain democracy kan ngah lo cun mi tampi kan thi te lai cu caah ralkap bawi le pawl le Min Aung Hlaing sin ah cah kan duh mi hna cu zangfak nakin nan hnu lei i thawn cang.

cu aruang cu hmailei nan kal kho tilo hngakchia a tlak hnu ah hlei a dun ti bantuk a si lo nak hnga Na chungkhar kong lawng ruat hlah na ram ca zongah ruat pah ram a rawk si cun zeithla naa miak ding a um a hlan bantuk in aa-naa ka lak lai i ka duh mi poah ka tuah lai ti chan a si tilo cu caah kawlram pi a rawk hlan ah hin nan lungtum ulaw nan tlai mi vialte minung kha kan chuah piak dih ulaw mah tin cun hmun khat ah thu tti in bia kan i ruat hna lai i rian zong kan tuan tti hna lai mah tin si lo in hitihin na hna naa cheh i na mit khua naa hmuter lo si cun thla 1 thla 2 chungah kawlram pi a rawk te lai tiah ralrin pek kan duh hna ka lawm tuk tiah a bia a donghter.

Be First to Comment

Leave a Reply

Your email address will not be published. Required fields are marked *