Press "Enter" to skip to content

Naite I WPC Ah Khan Van Hlei Sung Nih Hla A Sak Lio Tlangval Pawl Cu An Cawlcangh Cu Zoh An Dawh Ve Taktak – Video

Naite i Indianapolis ah World Paih Championship an tuah lio i, Hlasak thiam Van Hlei Sung nih hla a sak nak hi van ngai ta hmanh hna usih, a thiam bak hih, tlangval pawl a sak ter ve hna i an i nuamh khawh ning cu, a mei sei ko.

An hlasak nak Video hi hmuh an nuam kho taktak rak zoh ve hna hmanh uh a tanglei ah kan van thil chih ko hih.

Thawngpang dang relhcap >>>>>>>>>>

Iran Ram Chung Buainak Ah Mithi An Tamtuk Cang Caah Amnesty International An Buaituk Cang

Iran oil (Zinan) man 50% in a sangtuk cang caah mipi lei lung awi lo mi hna nih cun,zarh thum chung an lung awilonak an lanhter cang caah Iran cozah nih cun meithal in akah hna i,civil minung tamtuk nih nunnak an hloh cang ti si. Hi thil konglam ah hin Iran cozah nih cun,Vawleicung theih in thup a timh len nain,Amnesty international lei in kan theihkhawh mi hna ah cun, 208 an tling cang tiah theih a si.

United Kingdon-based rights group nih cun, mithi zat hna hi, kan theihkhawh minakin an tam rih lai tiin an chim ve cang . a si nain a zat hi fiang tein kan theikho dih hna lo an ti i, Shahriar city Tehran Province ah a tu zarh chungah khan minung 12 an thi tthan cang tiah an chim mi cu a s. hi a ti mi hna hi, ralkap nih meithal in an kah hna caah a thi mi an si dih tiin an chim .

Raha Bahreini, Amnesty nih cun, sualnak a ngeilo mi nunau hna le hngakchia hna zong ani tel tiin a chim i, Iran cozah nih a ram mipi cu, hi bantukin meithal in a kah mi hna hi, UN law (phunghram kalh) a si a tiah a chim i, Iran cozah cu kap ti hna loding in a nawl cang tiah theih a si fawn. mipi lei nih an thil phut mi hi, thil man a sangtuk mi a si caah, hi hi cu cozah leizong nih zoh piak cang hna sehlaw, a ttha tuk ko lai tiin an nawl piak cang hna ti si.

A si nain Iran cozah leinih cun, zeihmanh a lehnak le channak an pe lo ti si. a thi mi hna lakah hin Protesters te hna zong ani tel len ve tiin a chim i, Iran cozah nih cun, an ram mipi nih an duhnak hlawhtlinpiak nak cun, meithal in kah i, daihter hi a duh mi le a zuam mi asi tiah anruah cang caah, US zong nih Iran cozah cu, mipi an duhnak bantuk in, rian ttuan cang ding in faktuk in a nawl chih ve cang tiah theih a si.

Iran cozah hi a luhlultuk mi an si caah, ramdang lei chimh hrinhnak cu,zeiah an rel lo i, a bik in, US chimh hrinh mi hawi hna cu,zeiah a relpiak lotuk ti si fawn. China le Russia lei nih zeibia hmanh an chim tilo tikah cun, a ram mipi hna cu meithal in a duhduh in akah lengmang ko cang hna ti si. Amnesty international lei nih cun, UN leiah an theihter cang i, UN cu i rawlh ve cang dingin an phut ve cang tiah theih a si. chininternationalnews

Be First to Comment

Leave a Reply

Your email address will not be published. Required fields are marked *