Press "Enter" to skip to content

Myitkyina Ah Cawng Sayamah Pahnih An Tleih Hna Hnu Ah Faktuk In An Vuak Hna, An Cawlcangh Ning A Linsa Chin Lengmang Cang A Poi Ko E

Myanmar ram ralkap uknak duh lo i lamzawh nak in sandah piahnak hmun ah nikhat hnu nikhat in ralkap pawl cu an hrang deuhdeuh i Kachin ramkulh ,Mitkyina khuapi ahcun mipi ai pumkhawm hrimhrim mi cu ralthuam in an dawi thluahmah hna tiah thawngtheih a si.

February 19,tuizing zinglei nazi 8:45am zong ah ralkap nih cun Education Degree College Sianginn pawng i sandah piah mi mipi lak in Cawng sayamah pahnih cu an tleih hna i moyor in an phurh colh hna.

Cu bantuk pawl cu ralkap le palik nih kan tleih thluahmah cang hna lai an ti bantuk in an tleih thluahmah cang hna i, meithal in an kah hna cupin ah chai zong in thi deng an cheih chih hna. Cuti bak cun mipi ai pumkhawm mi cu an dawi thluahmah hna ti a si. Myitkyina khuapi ahcun mipi an i pumkhawm timi an theih bak in ralkap le palik mawtaw a phan colh zungzal i mipi cu an dawi thluahmah tawn hna.

A luat mi sayamah pakhat nih cun “Palik le mawtaw cu mipi kan pumkhawm nak hmun ah cun an phan i 144 ( pohmah ) tiah an au thluahmah ko. Cu bak cun kan zam ciammam hna i sayamah pahnih cu an tleih manh hna. An tleih mi hna cu an vuak hnu hna ah an khup zong an bil ter hna ti a si.

Cupin ah Myitkyina bazar i lam a zawh mi mipi zong palik nih cun an dawi hna hnu ah minung 10 hrawng a zam manh lo mi an tleih hna. Ralkap le palik cu hmunkhat tangti in an duh ning poh in mipi cung ah an cawlcangh caah mipi an i sum khawh loi an leh ve hna sual ah cun buainak faktuk a chuak sual lai ti mi cu mipi nih an phan bik mi a si. (BBC ,DVB )

Credit : VAPUAL AUAW

Be First to Comment

Leave a Reply

Your email address will not be published. Required fields are marked *