Press "Enter" to skip to content

Leiba A Champiak Lo Ruangah A Pasal Bak Nih Lungpang Cung In

Leiba a cham piak lo ruang ah a pasal nih a nupi cu lungpang cung in thi ding in a nam. Laiba nih hin lungdonghnak hna a chuah pi i a donghnak ah cun i thah nak tiang a tlung pi tawn ko hih.

China pa pakhat nih a nupi cu a leiba a cham piak lo caah thi dingin lungpang cung bak in a nam.

Yu Xiaodong (33) cu a nupi Wang Nan (32) le Thai tourist dang pawl he Pha taem National park ah an leng hna. Nuam ngai in caan an hman hnu hna ah an hawi le cu an lawi. Yu nih hin a nupi cu thil khuaruahhar kan zoh ter lai tiin a hlen i lungpang um nak lei ah cun a kal pi.

Lungpang cung i an dir lio ah cun an nu cu a tai i a kup i sau nawm a kiss (hnamh) hnu ah lungpang cung in cun a nam. Lungpang hi Metre 34 tluk i a sang mi lungpang a si.

A nupi Wang nih hin thlathum upa naute a pawi lio a si chin chap. Vanthat ah Wang le a pawi lio mi a naute cu an thi loh i an him. Wang belte tu hi a ruh pakhat a kiak.

Yu nih hin a nupi cu leiba cham piak dingin a rak nawl. A leiba hi a tam tuk caah an nu nih hin a cham piak thlu kho loh i a zat ceu tu a cham piak. A dih lak in a cham piak lo ruang ah Yu hi a thin hung i hibantuk thil a tuah nak hi a si.

Be First to Comment

Leave a Reply

Your email address will not be published. Required fields are marked *