Press "Enter" to skip to content

LAIMI SIN I EVENGELIST MINTHANG SINAK DING CAAH A HERH MI BY AUNG MYINT THANG

1. Motor (Mawtaw) man fak bakmi, ai dawh bakmi na ngeih a herh. Thawngtthachim an in sawmnak poh ah cu na mawtaw he cun na kal a herh. Mawtaw ttha a ngei lomi evangelist kha Laimi nih zeiah an rel ti hna lo. Mawtaw loin thawngttha chim ah ka kal sual i an rak ka sawi cang.

2. Singer pahnih or pathum, hlasak thiam lawng a zaa lo, amui zong ai dawhmi hna he crusade/campaign tuah ah nan kal a herh. Nai sawm hna a herh. Singer muidawh an i tel lo ahcun mipi an chuak lai lo. Singer lo in ka kal cang i an nih ka chuak.

3. Pumhnak ah revival hla (ZBC hla si lo in) na sakpi hna lai i, laam music kha keyboard in thang taktak in na tum ter hna lai i heh tiah na lam pi, na tur pi hna a herh. Cucu Laimi nih rivival a si tiah an zumh cang caah crusade na tuahnak ah a laam mi an tlawmte ahcun na rianttuannak hlawhtling lo mi ah an in ruah lai. Pathian hman lomi ah an in ruah lai. Hmailei ah an in sawm ti lai lo.

4. Pathian biatak na chimmi nakin laam le kui ah khan mipi cu an hlawp a tlo deuh caah Laimi lak i evangelist i na vah ding ahcun thawngttha na chim mi nakin kha cawlcanghnak kha na tuah pi deuh hna lawng ah evangelist minthang ah nai chuah lai.

5. Pathian biatak lawngte na chim ahcun an ngai zuam lai lo. Nihcuak capo biatak asi lomi na chim tam deuh a hau. Pathian biatak nakin khakha an duh deuh.

6. Thilthuam tthattha nai hruk a herh. Na thilthuam a chiat deuh ahcun sifaak ah an in rel lai i na bia an ngai zuam lai lo. An in nehsawh lai. Capo in an in chawnh lai.

7. Asi khawh ahcun holhtheihlo hla kha na lih in na sak lai i heh tiah mipi kha na laam ter hna lai. Baibal i a um lomi a si zongah a poi an ti lai lo.

Now you are perfect!

Nan! Pathian nih zeitindah a ruah hnga tikha va philh hlah!

CREDIT: AUNG MYINT THANG

Be First to Comment

Leave a Reply

Your email address will not be published. Required fields are marked *