Press "Enter" to skip to content

Hlasak Thiam Benjamin Sum Nih A Nu Caah A Thiltuah Piak Mi Cu A Sunglawi Tuk Hringhran

Myanmar rampumpi huap in hlasak thiam a lar bak mi Benjamin Sum nih cun a nu chuahcam lomhpi nak caah hlathar chuah ai timh nak kong cu tuchun mipi sin ah chimphuan nak a nei i, a nu cu November 17 ah a chuak mi a si. Benjamin Sum i hla thar ding cu “Night Mode” tiah a tlangpi pek a si i a hla um ning le awthluk cu mipi theih a si rih loh.

Benjamin Sum A Kaiso - World Meifar

Hikong ah Benjamin Sum nih cun “November 17 cu ka nu’ chuahcam a si i mah cu hrang ah cun zei bantuk laksawng dah ka pek lai tiah saupi kai ruat cang. Asinain, A hnu ah cun hla laksawng pek ding in biachah nak ka tuah i, “Night Mode” timi hla cu November 17 ni ah ka nu, chuahcam laksawng hrang ah ka chuah lai. “Night Mode” timi hla cu covid 19 boruak ruangah lengchuak kho loin kan um,mahte um caan i ngaih tikah a hla bia nih ruahchan nak thar thazang a pe tuk. Mah cu ruangah November 17,kan nu’ chuahcam hrang chuah dingin kai thim nak a si.

Benjamin Sum: Ka min in fake account tuah hlah uh, kan nawl hna | THE CHIN  EXPRESS

Nannih zong thazang tampi nan ngah lai tiah ruahchan nak tampi ka nei. Ka tuahmi hla pawl cu midang hrang ah thathnemnak pakhat khat a um ding mi hi ka lungthli tum zong a si. Curuangah nan zatein rak ka ngeihpiak ve uh law November 17 ni ah hmunkhat teah ngeihti khawh kan i zuam hna lai tiah a chim.

Benjamin Sum Hla Thar Ni 3 Chung ah a Zohtu 1.6 Million Leng an Phan Manh |  THE CHIN JOURNAL

Benjamin Sum nih cun Myanmar Idol season 4 ai zuam hnuah amah pumpak in hla thar fung 3 a chuah cang i kawl hla in, fung 2 le Falam in hla fung khat a si. Culong silo in, Mizo in cover hla fung khat ( amah tein ) le mirang in cover hla fung khat ( Phyo Phyo he ) a chuah cang i Hakha in midang pahnih he sakti mi zong a nei. Kawl hla zong ah midang he sak ti mi a nei ngai cang hna.

Be First to Comment

Leave a Reply

Your email address will not be published. Required fields are marked *