Hakha Khuachung Kahdohnak Ah SAC Ralkap 3 An Thi!

11 Aug 2022 : Nizaan August 10 Hakha Khuachung Kahdohnak ah SAC ralkap 3 an thi, tiah kan theih. ”Nizaan, August 10 ah, Hakha thar Hniarlawn lampial Vuanci pawl inn a hngaktu SAC ralkap hna cu Chin ralkap nih an va kah hna i SAC ralkap 3 an thi,” tiah CNA chimnak nawlngei Salai Htet Ni nih The Chin Post ah a chim.

Cun, Nizaan August 10 deilei ah CNDF, CDF- Hualngonram,CDM- Siyin le NEDF țangți hna nih Myanmar le India ramri gate hngak pawl an kah hna i SAC ralkap 5 an thi i 4 an zaam, tiah a chim chap.

Timit lei ah SAC ralkap riahcaw phurtu pawl cu Chin ralkap nih Drone in bomb an thlak hnawh hna i nikhua a chiat tuk caah thi le hliam zat hngalh khawh a si lo. Timit ummi SAC ralkap pawl nih Timit sațil an thah len hna, tiah a chim chap.credit.the chin post