Press "Enter" to skip to content

A hawi le hmai ah hringtu a nu nih a bengh caah amah tein ai that – Nu pawl zoh tuah uh!

Nu le pa nih kan theih dingmi cu kan fa le hi kan ngakchiat lio ah kan nu le pa nih a kan tuahto dan le a kan cawnpiak ning lawnglawng in cawn piak hmang hlah uh sih, tu chan ah cun an hawi le hmai ah cawn piak lo ding. A herh ah cun room dang te ah auh i cawn piak ding, tuk herh zongah a zal tawk in tuk ding siko. Hiti kan ti ruangah fa le zong lawr tuk lo ding.

Nu le pa rian hi a fawite lo nain ngakchia zong ningzah an thiam ti theih piak in cawnpiak an herh canah mi nih an hmuh lo nak ding le an theih lo nak hmun ah cawnpiak deuh uh sih law a ttha deuh hnga.

Hlan lio ah cun nu le pa nih an fa le an sik/cawnpiak tik ah khuapi nih theih ding tiang in an cawnpiak tawn. Chanthar a si cang bang in kan fa le kan cawnpiak ning zong thlen ve lengmang a hau. China, Wuhan khawpi chungah siang ngakchis kum 14 mi cu a hawi le he a thli te in phe an rak kah ruangah an saya/sayamah nih an cawn piak.

A hawile he an class leng corridor ah an dirter hna, tleirawl kum 14 mi i, a nu nih a theih tik ah a thin hung tuk i an sianginn ah a va kal. Cuti cun a hawi le hmai ah a nu nih a sik i, a bengh. An sayamah nih a nu cu a tleih i hmun dangah a kal pi.

Kum 14 mi siang ngakchia pa cu minute 3 chung hrawng a dirnak hmun ah a dir peng i cu hnuah inndot 5- nak in a zuang. A pong ah a hawi le pahnih an um ko nain an tlai manh lo, sizung an kan pi colh nain a hliam a tuar kho lo i zan 9;00pm ah a thi.

Be First to Comment

Leave a Reply

Your email address will not be published. Required fields are marked *