15.August: US House of Representatives Palai 5 Taiwan An Phan!
US Houses representative Speaker Nancy Pelosi Taiwan a tlawn ni 12 hnu ah US House of Representatives palai minung 5 hna zong August 14 ah Taiwan an phan ve, tiah theih a si.
US Palai hna cu zeihmanh theihternak tuah hmasa lo in Taiwan an rak phan i nihin August 15 tiang an caam lai, tiah Taiwan um US pehtlaihnak zung nih an thanh. Palai hna an khual tlawnnak hi Indo-pacific kong he aa pehtlai mi a si i, Taiwan President he zong tonnak an ngei hna.
US House Speaker Nancy Pelosi Taiwan a tlawn hnu in China nih Taiwan rili pawng ah raltuk cawnnak cu a rak tuah hnawh hnu ah atu bantuk in US House of Representatives palai hna cu an rak phak ṭhan
China nih cun Taiwan cu amah ram chung pakhat bantuk in a ruah caah Taiwan he i fonh khawh ṭhan nakding ah, a herh ahcun thazaang zong ka hman lai, tiah a rak chim.
Leave a Reply