Press "Enter" to skip to content

Hlasak Thiam Van Hlei Sung Hi A Thinhung Hlah Maw?

Hi ca ka post mi hi, (Atang lei ah ka share mi bia khi) azei organization/business or minung pakhat ca thengtheng ah ka ttialmi asi lo. Abik in ACC (Chin Idol a tuah tu) he pehtlai in ka ttialmi asi lo. Theih fian lonak (misunderstanding) aum ruangah a thinhung mi tete, lungtha lo le a ngeih ka chiatter mi an um. Ka fault asi cun, ka ngaithiam u…

Hi ca ka ttialmi hi, laimi kan zaapi huap in ka lungbia ka ttialmi asi, FREE hi kan duhtuk. Mirang nih, “time is money”, an ti mah caah cun minung pakhat nih a thiamnak (talent) le a caan pe in rian an ttuan piak, rian nan ttuan tti ah cun, nihlawh pek a hau. Kut le ke tlamtling lomi tiang nih nihlawh timi cu an hmuh. Timi kha asi.

Minung pakhat nih an price (zeizat an i hauhnak) khi an mah lawng nih an chim khawh, kan mah nih mah zatzat hin kan pek la… mah zatzat hin kan cawk la tinak nawl kan ngei lo… Free an ti le an mah nawl, 50% discount le an mah nawl.. bawmh a herh mi nih cun an price, tagg pek nak nawl kan ngeih ding asi lo, timi keimah ka ruahnak ka ttial mi si.

CAWISAAANAK|| “Laimi nih kan cawisaan hna”, timi bia.

Pakhat te telh chih ka duhmi “Kan hlasa pawl hi kan mah nih kan cawisaan hna lo ah cun, cawisaang tu an ngei lai lo i zeihmanh an si lai lo”, timi bia a chim sual mi kan um cun zaangfahnak tein kan lungput hi i ralring deuh hna usih ti ka duh. Aruang cu, Pathian lawng HRAWKTU, SERSIAMTU le CAWISAAN tu asi. Milar pakhat 100/100 kan si ding asi nain kan miphun nih a kan cohlan lo ah cun, Pathian nih khuadang ramdang zongah a kan lar ter khawh men mi asi. “Kan lai miphun nih cawisaan ruangah si lai lo, Pathian asi lai. Cherrypar

Be First to Comment

Leave a Reply

Your email address will not be published. Required fields are marked *