Zei Tluk In Dah Tih A Nun, Nu Le Pa Nih Kan Fale Cung Ah Kan I Ralrin Bak Ding A Herh Taktak Mi

Shan ramkulh, Muse khuapi ah November 10 zing ah khan China Siangin i hngakchia pakhat cu lente ai celh cuahmah lio ah a thil kenmi fungthul (Grilling Sticks) in a mit ai sawh sual tiah tlawmngai pawl komh pawl sinah thawng theih a si.

“An Sianginn i thil a cang mi a si. china Sianginn ah a si i a mah hi kum 8-9 hrawng hngakchia a si. A mah te i lente ai celh Lio ah a cang sual mi a si tiah Hna-lung Hla tlawmngai pawlkom i tuanvoneitu nih cun a chim.

Hi hngakchia hi Fung sau mi ai ken nuam ngai in lente ai celh ai ken mi fung hi sa an thil chih mi Fung a si. Cuti cun a mit ah ai sawh sual. Ai sawh ning hi a fak taktak a mitmit bak ah a fung ken mi cu ai phun chih. Nu le pa bak nih hi bantuk hngakchia hi Fung ken pah i lente celh lo dingin biatak tein Kan chimh hna le Kan cawnpiak ding mi hna hi a herh bak mi thil a si tiah tlawmngai pawlkom i tuanvoneitu nih cun a chim.

“China Sianginn ah sa em mi Fung i ken pah in lente ai celh ruang ah a mit ah ai sawh sual i a mit mu ah ai sawh mi Fung cu fak tk in ai phun chih,”cuti a mitmit chung i Fung ai bunh mi cu an la ngam loh i tlawm ngai pawl komh pawl nih cun a rianran khawh chung in Muse ihsin Lashio khuai ah an kal pi.

Cuti cun ngakchia te ai sawh Ning cu a fah tuk a zual tuk ruang le tih a nun tuk ruangah Lashio khawpi i sizung pawl nih an tuamhlawm ngam lo ruangah Mandalay sizung ah an kalpi tiah thawng Kan theih.

Be the first to comment

Leave a Reply

Your email address will not be published.


*