Press "Enter" to skip to content

Zawtnak Fak Tuk Mi Spain Flu Zong A Rak Tei Cang Tu Pitar Cu Covid 19 Zawtnak In A Dam

Kum 3 a rak si lio ah Spain flu zawtnak in fak tuk in a rak tuar mi pitar kum 105 nu cu Covid 19 zawtnak in a dam than i tizarh Chung ah Sizung in a chuak lai tiah thawng theih a si.

Ada Adelia Giovine Manrubia an ti mi pitar kum 105 nu cu June 22 ah khan Covid 19 zawtnak a rak nei i, ni 45 Chung Sizung ah an zohkhenh hnu ah August ni 5 ah cun a dam cang tiah thawngtheih a si.A taksa ah zawtnak hrik an hmu ti lo nain, kum upa a si cang ruang ah can rau lo te Chung hi sizung ah an zohkhenh rih lai i tlawmpal ah an chuah ter cang lai.

A mah hi Brazil ram Sao Paulo khuapi Sizung ah a um i kum 99 a rak si lio ah vawikhat Surgery rak tuah cang mi a si.Mah pitar hi Covid 19 a zawtka ah thawpek chawm peng a si i a Chung le zong nih a dam than hi an zum ti loh. Asinain, Sibawi nih thaten an zohkhenh hnu ah, damnak a hmu tu Spain flu le Covid 19 zawtnak a teitu a si tiah a min a thang.

Spain flu timi zawtnak lar le mi tampi thihnak cu 1018 kum ah a chuak I Covid 19 zawtnak bantuk in mask an rak i bunh, lengchuah zong an rak kham. lockdown an rak tuah ve. Khawika hmun in dah a chuah timi kha theihkhawh a si lo nain, Spain siangpahrang cu flu in a thi mi a si caah Spain flu tiah min an rak pek.vawleo ralpi a awkhat nak a thawh i a chuak mi a si i, ram tamtuk tuk ah zawtnak cu a rak phan ve.Spain flu cu thla 15 ( kum khat le thla 3 ) Chung a rak si i cu zawtnak andih taktak cu 1920 kum ah a si. Asinain, 1919 kum thok in a Karh ti loh tiah an chim.

Vawlei cung huap in zawtnak a Kai mi 500 million an rak um i, a thi mi hi, 17 million in 50 million Karlak a si tiah an rak chim. Mah tluk in vawlei cung tlangrai ah mithi an um ti loh tiah an rak chim i, Covid 19 cu Spain flu tluk in mithi an tam lo nain, kumkhat Chung bak a rau ve lai tiah mifim ghiam pawl nih an chim. Cupin ah AIDS zawtnak bantuk in dam taktak khawh a si ti lai loh tiah an chim.

Covid 19 zawtnak he pehpar in zeizat tiang dah a rauh rih lai ti cu a hohmanh nih an chim kho rih lo i, thla 8 Chung cu a si cang. A hrik thah nak sii an hmu kho rih lo nain, siidang thatha vitamin tha mi pawl in an dam khawh cu lomh awk tlak ngaingai ansi. Curuang ah mitam pi nih cun, 1918 kum i thilcang mi he an zoh tik ah, Covid 19 zawtnak hi a tlawm bik kumkhat Chung cu a cam rih ko lai tiah an ti.

Be First to Comment

Leave a Reply

Your email address will not be published. Required fields are marked *