A nupi nih a pasal cungah a phoh pian i Police nih an kawl mi cu pa pakhat nih teng bak in a rak thuat i, cucu Vocal in biaruahnak Interview an tuah lio hi ngeih khawh cio rak i zuam hna usih. Zeitindah thil sining hi a si zeitindah ai awt ning ti mi zong fiangfai deuh tein ngeih khawh cio rak i zuam hna usih.
A tanglei ah a Video kan van thil chih ngeih cio khawh rak i zuam hna usih.
thawngpang dang : SAC Ralkap Nih Natmauk Peng Hpattawye Khua An Khangh, Tualchung Mi Pa 120 An Tlaih Hna I An Hrem Hna
Magway ramṭhen, Natmauk peng Hpattawye(ဖက်တောရေ) khua cu SAC ralkap nih October 18, zaanlei ah an khanghpiak hna tiah theih a si.
SAC ralkap hna nih October 18, zaan suimilam 7:00 hrawng ah Hpattawye(ဖက်တောရေ) khua thlanglei in mei khanghhram an thok. Khuachung um khuami pa 120 zong an tlaih hna leng ah an hrem hna tiah theih a si.
“Hpattawye(ဖက်တောရေ) khuachung inn an khangh, khuachung ummi pa hna cu an tlaih hna leng ah, an tuk velh hna, tuzaan tiang ah an thlah rih hna lo. Khuachung ummi nu zong khua leng chuak lo ding in nawl an pek hna. Khuachung ummi inn zuat saṭil Ar le Vok zong nihin chunnitlak an thah an nawn hna, an tlaihmi mino hna cu tho kholo tiang in an tukvelh hna, tlaih a tongmi hi minung 120 hrawng an si” tiah khuami pakhat nih a chim.
Hpattawye(ဖက်တောရေ) khua cu inn 300 hrawng an si i, October 17 ni zong ah SAC ralkap nih zaan lai ah an rak khangh bal cang, cun nihin October 18 zong ah an khangh ṭhan tiah theih a si.
Leave a Reply