Taze, Kani Le KNU Brigade 1 Hmunram Kahdohnak Ah SAC Ralkap 32 An Thi + Kahdohnak Thawngpang Dang

Sagaing ramṭhen, Taze le Kani peng ah nizan August 23 ah kahdohnak a chuak i, SAC ralkap 19 an thi, tiah PDF nih an chim.

Taze peng Chaungsone khua in a chuakmi SAC ralkap pawl cu August 23 zing sml 9:00 hrawng ah PDF ṭangrual phu hna nih bomb an puahhnawh hna caah ralkap 4 nak tlawm lo an thi i, 15 hrawng hliamhma an pu, tiah theih a si.

Chaungsone in Aungchanthar khua lei a kalmi SAC ralkap Kah Ma Ya 114 cu Taze PDF Battalion 6, 7, 8, 10, 16, TazeTiger, KPK, TSR, PLA, TCRF, PRLF, SAF peng Pah Kah Pha le Pah La Pha hna nih caan sau nawn kan kah hna, tiah kahdohnak ah aa tel vemi PDF ralkap pakhat nih a chim.

Taze peng ah rallam a sialmi SAC ralkap 200 hrawng cu Meik Hti Lar ah umhmun khuarmi Kha Ma Ya 113 an si i, PDF he voi 8 an i kap i, ralkap 50 leng an thi, tiah theih a si.

Mon ramkulh, KNU Brigade 1 hmunram ah a luancia August 19 zanlei sml 5:10 ah Letpanpin khua pawng ah umhmun khuarmi SAC ralkap 100 hrawng le KNLA ṭangrual phu hna kahdohnak a chuah caah SAC ralkap 13 an thi, 4 hliamhma an pu, tiah KNU nih cathanh an chuah.a rel tu nan cung ah kan i lawm