Premier league team rum pakhat asi mi Manchester United team sinin chuaknaknawl a hal mi Portugal arfi Cristiano Ronaldo nih cun a team hawi hlung asi mi Casemiro Manchester United sin arak phan ruangah Ronaldo zong nih season pakhat cu United ah icelh rih ding in biakhiahnak a ngei cang tiah minthang Portugal thawnglatu Almineda nih achim.
Kum 37 asi cang mi Ronaldo nih atu lio transfer window ah Man United in chuak a duh i Champion league chuih mi team pakhatkhat sin ah ithial cu aduh caah Agent nihcun teamthar akawl piak cuahmah cu asi. Asinain Ronaldo cu kum upa lei asi cang hlei ah thlahlawh tamtuk pek ahau mi player asi caah auh dingah a har ngai mi player cu asi.
Portugal rammi thawnglatu nih alanghter ning ahcun Ronaldo cu United team nih an auh thar mi Casemiro auhkhawhnak cungah a lungtling ngai ko caah United team um rih dingin aa thim than hi asi. Asinain a ra lai mi season ahcun a hmailei kong he pehtlai in Manchester United team he ceihmaihnak an tuah tthan te lai tizong theih asi. Manchester United team nih cun Cristiano Ronaldo nih United achuak tak ahcun United nih attacker hmaikal lei ah player thar pahnih tiang auh dingin timhtuahnak an ngei tiah minthang Journalist nih a chim.
Leave a Reply