SAC Nih Uknak An Lak Hnu Ah Rampum Huap in Kahdohnak Voi 6,600 Leng A Chuak!

2021, February 1 in SAC ralkap nih hramhram uknak an lak thawk in 2022, July thla dih tiang ah kahdohnak voi 6600 leng a chuak, tiah Institute for Strategy and Policy – Myanmar nih August 24 ah cathanh an chuah.

Cu kahdohnak a chuakmi zatuak ah 60 leng cu SAC ralkap le Tlangchung hriamtlai phu (EAO) kar ah a cangmi kahdohnak a si, tiah an langhter.

Cu kahdohnak chung ah cun SAC ralkap le PDF kar ah kahdohnak voi 1700 leng a chuak. EAO, PDF le tualchung hriamtlai phufonh kar ah voi 820 leng le EAO kar i kahdohnak voi 48 nak tlawm lo a chuak, tiah an langhter.

Karen ramkulh ah kahdohnak voi 3,900 leng a chuak i, kahdohnak voi tam bik a chuahnak hmun a si, a changtu ah Sagaing ramṭhen si in, voi 640 nak tam kahdohnak a chuak.

Atu tiang Sagaing ramṭhen chung ah SAC ralkap le tualchung hriamtlai phu kar hmaitonh kahdohnak cu a chuak peng rih i, pengkulh 37 chung in pengkulh 32 ah atu le tu kahdohnak a chuak, tiah theih a si.

Be the first to comment

Leave a Reply

Your email address will not be published.


*