Zaan suimilam 11 in zinglei 3:00Am tiang Facebook na hman thluahmah ah cun na caah tihnung ngai ngai a si timi hi na fian bak a herh cang .Ngandamnak lei i thiamsang pawl nih an chim mi a si caah ralrin a tha bik .Zan nazi 11 in zinglei 3 karlak facebook a hmangmi cu direct in an taksa chung ah fahnak an ngah lo hmanh ah a rauh hlan ah an taksa ah a lang colh hrimhrim lai tiah Doctor te nih ralrin nak caah an chim bak mi a si .
Cucaah hi can te i facebook a hmangmi na sin sual ah cun a tu bak ah khan na can hman ning kha a ran nak in rak thlen colh ve .A ruang cu zan nazi 11 le zinglei 3 karlak hi chun i kan ei mi vialte kan taksa caah rian an tuan bik lio can a si i , culawng silo in kan eisual mi tiang kan taksa chung ah a um mi thil hna nih an kan doh piak lio can te a si .Culawng hlah a biapi bik mi cu hi can ah hin kan thinlung hi biatak tein rian a tuan lio a si caah culio can i dinhnak ah na hman lo ah cun duhsah tete in thinlung lei damlo nak nih an phak colh lai .
Silei thiamsang hna nih an chim mi cu minung kan taksa pum hi set pakhat bantuk a si i kan ‘thinlung’ a that tilo ah cun kan taksa dang zong tha tein rian an tuan kho tilo ti a si .Thinlung he ai peh tlaimi thin phin , thinhling,C Virus tbk pawl zawtnak nih fawi tein a kan tlaih khawh colh ti a si .Culawng silo in na thluak lei riantuan ning a der thuahmah lai i thil philh na hmang thluahmah lai i chinchiah nak na ngeihmi a der lai , a donghnak ah cun zeituah hmanh huamlo nak le itnak cung lawng i khuasak tiang na hau khomi a si .
Cupin ah thisen ka a tha tilo i cu nih cun thahri fah a chuahpi colh lai i thisen kai le , zunthlum , thawchuah har tbk zawtnak nih an zulh colh fawn lai .Curuang ah zan suimilam 11 in zinglei 3 karlak hi cu kan ngandam nak caah a biapi tuk mi can a si caah i hngilh nak can ah hman hrimhrim ding a si tiah Doctor thiamsang pawl nih an chim . Phungthluk :Nunnak cu thluak fimnak in kilven a herh” ti a si . Source : Crd
Leave a Reply