Ralhrang Tam Lak Te A Thattu CDF Ka Vun Don Hna, Lai Meithal Saupi He Nawncet An I Ciah Dih

Ka hawipa (amin ka langhter lailo) nih “naitan i ralhrang tamlak a kah thattu CDF ka vun don hna a ka ti” i, a sin an hun phak in video in a ka call.Mino kum 18 kuaka hrawng tete an si. Nawncet he an ciap dih. Lai meithal sau nawn tete khi an liang in an i bei i, thaba le zaangba ngai in an hun i zulh thluamah khi chikhat ka hei hmuh hna.

Zeiko dah an hei ruah hnga i, hitluk in an ral a that hnga; puantang le tappi pawngah thudir kho in, an hawile dang bang zaupah buin phone hna a dek kho khi an hei si ve ko dah. Ule deuh ramleng ah an chuak hna i; fahniang nule pa ruun-inn hngak ding, fimnak an duhzat tiang cawng hna seh, tiin an ule nih ramleng in an cawmkenmi le arfi thlapa bang an bihzunmi an si hna.

Rianhrang tuan le ral ram kal cu chimlo; an ihnak pawng ah lakphak le eidin hunh le chiahpiakmi, buhthing le mehthing hmanh ei sianhlomi dawt cukmakmi hna an si. Cu lio i tutan i kan miphun le kan ram caah tiin; hawrkuang le tupi thingtang, cangvet le sivai ngei tihnung tampi lak, a suar a han thim loin chunzan ih me remlo, pawtam tihal in an um khi ka hei ruah.

Zeitik ahdah kan donghnak asi lai ti hngalhlo in, kuan le bomb lakah thonghrawlh meithal tete he mu.Maw Miphun Daw Nusal Pasal rual hna; Kan in upat hna tileng khin minung holh le ka nih a tlinhlo. Kan Miphun le kan Ram nih a zungzal in an upat hna. Kan techin fapar hna nih nan kong phai an dai lailo.Kan dohthlennak kan tei hrimhrim lai. Credit: Ram Tinthei

thawngpang dang : Ralhrangbu cu an Fah tuk cang caah Mipi cungah lei An Rul tiah KWAT nih a Thanh
==================================
Ralhrangbu hi Kachin ram ah an fah tuk cang caah lehrulhnak ding caah a phunphun in mipi cungah an tuanmi a si tiah Kachin Women Association of Thailand- KWAT nih June 16 ah report he an thanh.

Hi kong he pehtlaih in KWAT chungtuan Daw Mun Nay Li nih “ralhrangbu nih nawlngeihnak an lak hlan in kan ram ah nuhrin covo an buar mi a tamtuk cang. Uknak an lak hnu chinchin cu zei poh anmah kutchungah a tla. kan duhning in zei poh kan tuah khawh ti phun in an um caah mah report hi kan chuah mi a si” tiah a chim.

KIA nih March 25 ni ah ralhrangbu sakhan Alaw Bum an lak hnuah lehrulhnak ah Moemauk peng khua le inn hna meithal ngan in an kah caah khuami 6000 hreng lo an zaam. Myothit, Kunglaw ah 9 an thih pin ah hngakchia tel in minung 15 hma an pu.

Myintkhyina, Moenyin, Kanmai peng mino hna cu KIA he nan in pehtlaih tiin an tlaih, an hrem hna, khuami inn le lo an hrawhpiak hna tiah report nih an langhter. Mah bantuk a si bu in ASEAN meting zong an kai kho. NUG cozah tu hi vulei nih pom seh ti kan duh. Ramdang nih meithal cawk zong a kan phih piak ding le ram kahdohnak ah vanlawng hmannak nawl zong khap piak le No Fly Zone zong tuah piak dingin kan nawl hna.

Harsatnak a tong cuahmah mi ralzaam le mipi zong bawmhnak tampi kan herh tiah Daw Mun Nay Li nih a chim. Thai ram um Kachin Nu bu- KWAT hi 1999 ah Thailand, Chiangmai ah dirhmi a si i, Kachin ram chung thil a cang mi Nu hrin covo le ralhrangbu nih mipi cungah an sualnak pawl a langhter tu bu an si. Ref; KNG, KWAT

Leave a Reply

Your email address will not be published. Required fields are marked *