Khup a fak bal mi lawng nih theih piak thiam awk a tha mi fahnak phunkhat a rak si ve theihthiam nak nganpi he hi ca hi ka rak langh ter. Kum tampi khupfah zawtnak i a zaw i lung rethei le vansang in sizung sekhan zong ah phaisa tampi dih in a kal lengmang nain damnak a hmu kho loh. Cuti lungre thei vansang in a um lio ah cun a hawikom tha pakhat nih khupfak mi caah sii tha taktak ka theih tiah a chimh i cu a chimh ning te cun a tuah i ai dampi bak ve.
Cutik ah nan pawngkam nan sahlawh rualchan na chungkhat a khup fak mi an um ah cun siaherh nak tehe rak chim ve hna uh law damnak an hmuh ve ko lai. Keimah hi ka orh lei ka khup ruh hi a fak tuk i harsa taktak in can saupi ka rak um. A fah tuk tik ka celh lo tuk ah hin ka aukhuang zungzal sii phunphun hi ka hmang lengmang ko nain chikhat te a ka chawng tu lawng ah an rak cang tawn.
Cutik ah ka hawinu nih a ka chimh ning bantuk tein ka tuah i a tu ah cun damnak tlamtling ka hmuh cang. Cu a ka chimh mi a tuah ning cang cu Aloevera kung kha khap khat hrawng in na tan lai i a hling kha na thlongh lai i cheukhat ah na cheu lai kha na cheu mi kha mei ah na em lai i cu na em khawh cun na khup a fah nak ah cun na benh lai.
Na benh hnu cun Cucueih in na khup kha na tuam chih lai a si khawh ah cun zan na ih lai poh ah can hman tein tuah kho peng law a tha tuk lai.Ho a tuah ning cang tein rak tuah ve law na khup fah ruang i na buai nao vialte le fahnak na in nak vialte kha damnak na hmuh hrimhrim lai.
thawngpang dang relchap : Karenni ramkulh, Demoso Ralhrial Camp Hmun Hnih Ah Eidin An Ngei Ti Lo
Karenni ramkulh, Demoso thlanglei ralhrial camp pahnih ah eidin an ngei ti lo, an eidin tirawl a dih cikcek cang caah bawmchantu an herh ko, tiah ralhrial zohkhenhtu hna nih an chim.
Ralhrial sing khat leng an umnak Demoso khua thlanglei ralhrial camp pahnih ah ei awk zeihmanh an ngei ti lo.
Karenni ramkulh ralhrial camp hi buaktlak in hmun 5 a um. Hmun hnih ah cun ei awk a dih cikcek cang. A dang a taangmi zong hi eidin an i za ti lo, tiah ralhrial zohkhenhtu hna nih an chim.
“Ei awk kan ngei ti lo, tiah ca a rak ṭialmi hi ralhrial camp hmun hnih in an si. A dang a taangmi zong hi zarkhat hnih chung hrawng lawng ei awk kan ngei cang an ti,” tiah ṭuanvo ngeitu hna nih a chim.
Eidin, sii-ai, angki, tawhrolh le ruah kham thilri hna rianrang in an herh. Cu ralhrial camp cu NGO cheukhat nih bawmhnak an rak pek ko hna nain, SAC ralkap nih phihkhamnak an tuah ruangah bawmhnak an hmuh ti lonak hi thla 2 hrawng a si cang, tiah theih a si.
Ralhrial hna nih ei awk an ngeih ti lo caan i an khua ah facang laak an kal lio ah SAC ralkap nih an thah hna pinah an inn ah bomb an hmanhmi nih a puah hna i, a thimi le aa hliammi an um.
Ramchung ah ralhrial camp a ummi chung in ei awk a ngei ti lomi tam bik hi Karenni ramkulh in a si. Karenni ramkulh ah ralhrial mi hi zatuak 75 an phan, tiah theih a si.
Leave a Reply