Pakokku Ah SAC Ralbawi Pa Le A Nupi Meithal Kah An Tong!

Pakokku Ah SAC Ralbawi Pa Le A Nupi Meithal Kah An Tong!: Magway ramṭhen, Pakokku um No.5 thilri ṭhitnak sehzung uktu ralbawi(Major) le a nupi cu, nihin August 26 zinglei ah meithal in kah an tong. Pakokku khuathar ah a ummi sehzung hmun chung ah an nupa in zing sml 6:00 hrawng ah an kah hna, tiah theih a si.

Meithal in kah a tong mi ralbawi Aung Zaw Oo cu a hliamhma a fah tuk caah a nunnak ca ah thinphang a si ko. A nupi tu cu an kahnak hmun ah a thi colh, tiah PPDF sinin theih a si.

“Ralbawi pa le a nupi a kaptu hi mi zei phu dah an si ti cu kan hngal kho rih lo. Ralbawi pa cu a holh zong a holh kho rih lo,” tiah a chim chap.

Nuva hna a kaptu nih sehzung chung ummi motor pakhat zong an laak. An kah hna hnuah SAC ralkap le Pyusawhti cu motor 2 in sehzung lei ah an kal i, Pakokku khua chung ah humhimnak an laak, tiah theih a si.

Be the first to comment

Leave a Reply

Your email address will not be published.


*