Nupawl Hi Pa nak In An Lungthawh A Fawi deuh nak Le An Phur A Awlsam Tuk Nak A Ruang Rak Rel Ve Theihtlei Bak A Si Hih

Papawl thluak nak in nupawl thluak hi 0.4°C in a lum(hot) deuh tiah Scientist pawl nih an chim.Asullam cu minung kan thluak hi a sining tak ah cun 40°C lawng a si ding a si i, cucu pa pawl thluak a lum nak lawng a si tiah an chim.Cambridge sianghleirun i Medical Research Council nih cun daatkhuaikhan (laboratory) ah hlathlainak an tuah i nupawl thluak hi a khuacaan tuak in an thluak a lum le a kih hi aa thleng kho lengmang i a tlangpi in papawl nak in nupawl an thluak hi a lum deuh hrimhrim tiah an chim.

Brain Journal ah an tialning bantuk a si cun nupawl kum 20 le kum 40 karlak riantuantu pawl minung 40 lak ah hlathlainak an tuah i zing,chun, zaan tiin Royal Infirmary of Edinburgh ah an taksa a lum ning tahnak an ngei.An hlathlainak ah cun 38.5°C hrawng lawng a si lai tiah an ruah nain a tlangpi in nupawl thluak hi 40°C in a lum deuh hlei ah thenkhat cu 40.9°C tiang aa thleng kho tiah an chim rih.

Nupawl thluak hi papawl thluak nak in 0.6°C tiang a sa deuh kho tiah an chim fawn.Curuangah nupawl hi papawl nak in an phur a rang deuh peng tiah an chim nak a si.Nupawl cu papawl nak in zeipoah ah an thluak an hmang tam deuh i zeithil poah ah an lungthawh a rang deuh ti a si. Curuangah chungkhar zongah pa nak in nupawl hi an khua tuaktan mi ziong a tam deuh i an lungretheih zong a tam deuh nak a si ti a si.

Thil fa tete kong zongah zaan i hngilh kho tilo in zankhuadei khua an ruat i a phunphun an thinlung nih a va ruah chih dih tawn ti a si.An thluak an hman deuh tuk ruangah papawl nak in an tar a fawi deuh nak a si fawn an ti.Curuang ah nupawl cu pa nak in an khuaruah a pin deuh i an lungdongh zong a fawi deuh i an i lomh zong a fawi deuh ve nak a si an ti.