Nungak Pakhat Doctor Sin ah Ai Piah i Doctor pa Bia Pakhat Ruang ah A Phaisa Vialte Sizung Hmai ah A Hlonh Dih

Minung kan nunnak ah a biapi bikmi cu Pathian le kan ngandamnak hi a si ko . Kan damlo ah cun kan ngeihchiah chawva hna hi zeihmanh an si ti lo i kan duhmi zong kan ei kho lo i kan ngeihmi chawva nih kan nunnak a sauter kho fawn lo caah ngandamnak tlukin a sunglawimi hi vawleicung ah a um ti lo . Mifim phungthluk ah “na ngandamnak cu na rumnak a si “tiah an chim mi hi a rak hman kho taktak.

China nu pakhat (min langhter lomi) nih sizung ah a damlonak vai i piah dingin a kal i , doctor pa nih na damlonak hi cancer a si caah thlop khawh na si tilo i sau na dam kho ti lailo” tiah a rak ti . Cuban cun a vai i piahmi nu cu a tap a ai i ” ka ngeihchiah chawva vialte hi ka caah zeihmanh santlaihnak an ngei lo , zeihme vawlei chawva hi sullam an rak ngeihnak a si ” tiah a au i a phaisa kenmi vialte cu sizung hmai ah a vorh dih.

Hi thawngpang cu social media ah a lar ngai i a theitu mipi thinlung ah bia tampi a chim ti a si . Nangmah zong na nunnak ah chawva tampi ngeih na duh kho men ko . Asinain na ngandamnak kha biapi ah na chiah hmasa a herh zungzal mi cu a rak si . kan ngeihchiah chawva nih kan ngandamnak a caw kho ti lo i kan nunkhua zong a sauter kho hlei lo .

Cucaah hi ca te nih hin na thinlung ah bia rak chim ve sehlaw , ngandam a sunlawi nak thei in damnak a kan petu Pathian cung ah lomhank chim nun ngei bu in kan ngeihchun chawva le kan ngandamnak cung tu ah lungsi diriam tein um i kan dam lio ah pakhat le pakhat i dawt hi a sunglawi bik ko ti theithan cio hna usih . Midang caah rak share ve.

Be the first to comment

Leave a Reply

Your email address will not be published.


*