Nupawl caah ruah lo piin thihnak tiang a phanh pi tu thil a si tawn caah, i ralrin taktak nak ding caah le nupawl vialte nih theih khawh nak ding caah share in rak kan bawm cio uh. Zangfah nak tein nangmah nih na theih mi nu vialte nih an theih khawh nak ding caah hithil hi rak thanh cio dingin rak kan zuampiak cio ve uh law, Pa pakhat na si nak zongin na nungak, na farnu, nanu nih an theih khawh cio nak hnga zong rak share ve.
Nupawl nih thla chiar te i thi kan neih lio ah tuah bak lo dingmi thil pawl cu, thirat lio can ah tikik din bak lo ding, Ungti zong ei bak lo ding. Mifim thiam sang pawl nih an dothlat i an hmuh mi cu, thi neih lioah tikik dinpiak ruangah Nau-in chung i thi kha a khal ter dih i kum 5 in kum 10 chungah Cancer zawtnak a chuah ter khawh.
Cun, thi neih lio ah lu i tawl bak lo ding, zeiruang kan ti a si ah cun, thirat lio ah khan kan lusa chung i kan thlan a chuahnak kua kha a kau ter ruangah khan a kik mi a luh ter caah lufah nak a chuah ter.Hi bantuk thil a si mi kha kan kum a no lioah cun, a ruah awk kan theih lo mi thil a si konain, kan upat hnuah thil tihnung taktak mi a rak si i, kan nunnak caah thihnak tiang a chuah ter kho tu a rak si.
Thirat lio can ah zil ei piak bak lo ding. Zeiruang kan ti si ah cun zil hi ti a pawi mi a si caah khan nauin chung i thi a chuak ding hnga kha kha ti nih khan a rak khampiak dih caah fa nei kho thai loin na cing kho. Thi neih can ah khan i khawnden khawhnak hmunhma ah khan zeitik hmanhah kal bak lo ding. A hleice in na paw kha i khawng lo dingin a biapi thk mi a si. Thi na neih lio i na paw nai khawn sual a siah cun, Cancer zawtnak a chuahpi kho tu a si.
Zangfah nak tein hi konglam i, Na theih mi minung sin poh ah thanhlhawh le chimphuan khawh rak kan zuampiam cio uh law tiah zangfah kan nawl hna. Hi konglam tehi nupawl vialte ngandam nak le thihnak nunnak caah a biapi tuk mi a si caah zangfah nak le zawnruahnak thinlung he na theih mi kip sinah theihter khawh rak zuam ve cio hna.
thawngpang dang relchap : Yangon, Kyi Myin Daing Peng Puahkehnak Ruangah Mino 6 An Thi
Yangon ramṭhen, Kyi Myin Daing(ကြည့်မြင်တိုင်) Setsan sang um, zupu(ခေါင်ရည်) dawr pakhat ah nizan August 19 zanlei sml 5:00 hrawng ah puahkehnak a chuak i, mino pa 6 an nunnak a liam, tiah theih a si.
“Mino pawl cu pumpululh an chuih dih an ṭin lei ah zupu dawr ah an ṭhu pah. Cu lio ah bomb cu a puak i, pumpululh thuam he an ruak cu kan char hna. A thimi hna hi kum 18 a tling rih lomi an si,” tiah bomb puahnak sang ummi pakhat nih a chim.
Zupu dawr ngeitu pa cu a zaam i, a nu cu SAC ralkap nih an tlaih, tiah theih a si. Kutser bomb puah sual nakin a thimi hna hi Pyusawhti an si lai, tiah a ruatmi an tam nain bomb puahnak sang ummi hna nih anmah sangmi an sinak kong cu an langhter. Cun, an thih hnu ah ‘Pyusawhti an si’ an ti hna caah an lungfahnak kong zong sangchung mi nih an langhter chih.
News Of Myanmar min in Telegram ah, “Yangon ramṭhen, Kyi Myin Daing peng Setsan sang ah zanlei sml 5:00 hrawng ah puahkehnak a chuak i, ralhrang 1 a thimi an hmuh. Ralkap nih puahkehnak hmun an va zoh tikah inn pawng ah ralhrang ruak 5 an hmuh chap. Dawr ngeitu pa zing a zaam,” tiah an ṭial.
Cuti an ṭialmi cu thawng dik lo ngaingai a si. Puahkehnak ruang ah nunnak a liammi hna hi sualnak ngei lo, kum tling lo mino an si, tiah tualchung mi hna nih an chim. Credit : The Chin Post
Leave a Reply