Minung Pathum Ai Neimi Hna Nih A Pakhatnak Naute An Ngei!!!

I duhdawtnak hi minung pahnih karlak lawng ah hlah maw a rak si rua timi hi a rak si lem loh. Minung pathum ai nei mi hi vawleicung hmun dangdang ah theih ding an tor cang. Denver, Colorado ah a ummi Lo (30) le Mike Taylor (31) hna cu an karlak ah duhdawtnak hri an zam hnu ah an lak ah telve dingin Jess Woodstock (31) cu an cohlan ve i, kum 2018 June thla khan pahnih lawng siti lo in nuva pahnih sitawn mi cu pathum ah an van cang.

Nikum March thla khan Lo le Mike hna cu fa an pawi i, December thla khan an pathum i an fa hmasa bik ding naute an nei i, amin ah Aria Lyn tiah min an sak. An pathum hin an i hmuthiam ngai i, a nupi le pahnih karlak zongah hin zeihmanh zong nei lem lo in nuam le lawm tein an khuasa tti ko hna. Pahnihnak in pathum cu a tha deuh ti hi fek tein an i tlaih mi cu asi. An fanu Aria Lyn nih hin nu pahnih a nei tinak asi i, Jess nih hin Aria hi a hrinmi cu asi lo nain Lo bantuk thiam in a fanu a si ve.

Lo nih naute a pawi lio ah hin Jess  zongnih a taksa caknak dingah Lo nih a eimi thil hna cu a ei ve i, Yoga  hna zong an tuah tti i, cu tiin an tuah mi cu Jess nih an fanu Aria hi a hnukhaang in a cawm khawh ve an duh ruangah a si. Lo nih Aria a pawichung ah hin harsatnak zeihmanh nei lo in naute hi a pawi. Asi ning tak ahcun fapa neih an i ruahchan deuh nain nau neihtertu nih nute nan nei tiah a van chimh cu a khuaruah zong a har ngai.

Minung pathum van i neih ko cu a buaithlak ngainak tampi a um theo lai tiah ruah khawh asi nain ai nei mi hna nih lungrual tein nuam le lawm in an um phawt ahcun harsat dawh zongin an lang lem loh.

Be the first to comment

Leave a Reply

Your email address will not be published.


*