Minung Pathum a thah hnu ah a Dl nu he Nuam taktak in an Vak – A rak men loh a konglam hi

Thailand ram, Lopburi khua, shopping mall pakhat i sui dawr a bauh i minung pathum zong a rak that tu misual turu buru pa kha tlaih a si cang tiin police te sin in thawngpang theih a si. Hi pa hi mifir le mile lawng silon misual taktak a rak si

Ramchung thawngpang latu nih a tial ning ah cun hi pa hi Thailand Ram singburi district ah sianginn ca chimtu saya zong a si i, an sianginn ah hin a lu bik rian a tlai tu principle tiang asi tiin a langh ter. A mah hi kum 38 mi a si.

Hi misual le mi hrokhrol hi January thla thok ah khan shopping mall ah a lut i sui dawr pakhat ah cun minung pathum a thah hna i an sui cu a lak piak hna, a thah mi hna ah hin hngakchia pakhat zong ai tel ve ti theih a si. Hi lawng siloin hmundang zong ah sui Baht 500,000 man bak a rak fir cang tiin a thawngpang hi theih chih a si fawn. Sui dawr i sui a fir lio ah hin minung pathum a thah hna pin ah a dang minung pa 4 zong fak ngaingai in hliamhma an tuar fawn.

Sui a fir hnu i minung pathum a thah hnu ah hin cycle a fir i an tlaih hlan nihnih hrawng ai duh ah khan a dl nu he nuam ngai in restaurant ah thil an ei lio cu hmuh an si tiin Thai Rath thawngpang tialtu nih a langh ter fawn. A tu ah cun a dl nu pawng ah lunglawm ngaiin le thanuam ngai in khua a sa loh i police pawl kuttang tu ah a um i fak ngaingai in hrem nak a tuar cuahmah lio a si.