Laimi cu zir(zer) kong ceih ah kan lung aa rual bik. Biatak kong ceih ah kan lung aa rual lo bik ve. Zir(zer) kong ceih i lungrual cu nan zumh lo le va ‘’test ‘’ cio hmanh u.
Zir(zer) kong ka timi hi capo ti khawh zong a si. Nain, Laimi cu capo kan saih tikah zir(zer) kongah kan tla lengmang ko. Zir(zer) kong telh loin capo saih kan thiam loh ti khawh kan si. Zeicatiah, capo sawhsawh lawng chim tikah sau a kan nguh kho lo. Hawikom tam nawn nan i ton tikah biaphawng va deng hmanh u. Biaknak kong le nainganzii kong telh lo bakin capo lawng va chim hmanh u. Nan min hmanh nan philh lai.
Biatak kong ceih ah Laimi kan i lungrual kho bak ve lo. Khrihfabu hna kan i ṭhen phah ciomi hi biatak ruangah a si ko. Hawikom tam nawn nan i tonnak ah zumhnak kong va ceih hmanh u. Nan aw a sang dih lai. Nan tluang kho bal lai lo. Min Aung Hlaing le Aung San Suu Kyi kong va ceih hmanh u. Nan i sik lo lawng a si lai. CNA kong le CDF kong hna nan ceih ahcun a vuak hmanh nan i vua phah men lai.
Leave a Reply