Dawtnak taktak nih cun ramri a rak ngei hrim lo, ralhrang dohin hmun dang veve ah caan zeimawzat chung ai hmutong kho ti lomi PDF pasatha le nusaltha hna cu an umnak hmun ah sunglawi tein thitumnak puai an tuah kho cang tiah theih asi.
Sagaing ramthen, hmunhma pakhat (security caah an umnak hmun langhter asi lo) ah ralhrang doh in caan saupi a um cangmi PDF pasaltha cu kum-1 leng hnu ah a dawttuk mi a nungak he ton khawhnak caan an ngei than i an umnak hmun thingtang ah cun an si khawh tawk tein thitumnak puai an tuah tiah thawngtheih asi.
Thihnak zongnih an kan then lai lo, harsatnak le lunglawmh nak zong kan i hrawm lai i thih ah thih tti, nun ah nunn tti dingin kan biakamnak hi kan kutcung i aummi meithal hi tehte thabik siseh tiah biakamnak an tuah cang.
Minung hi kannu pawchung in kan chuak bak ah hin caan pahnih kan ngei, tthat caan (nupi/pasal ngeih caan) le thih caan hi asi ko. Hitluk in a sunglawi mi tthitumnak caan sunglawi hmanh sunglawi tein hmang kho loin miphun le ram dawtnak ruangah thingtang le ramtang ah tthitumnak a tuah tu hna kan pasaltha le nusaltha hna hi upat lo awk an tha hrim lo mu. Chantlung tiangin an dawtnak fek sehlaw an nunkhua sau chin ko seh mu.
Leave a Reply