Atulio kawlram Media riantuantu pawl nih biatak ngai in an i buaipi mi kawl Model minthang ngai a simi ‘Patricia’ konglam cu social media chungah a hung lar taktak cang.’Patricia’hi kawlram chungah cun Model minthang le mipi uar a hlawh ngaingaimi pakhat a si ve. Model rian a tuannak zong a sau tuk hlan ah mipi thinlung ah uar a hlawh i a rian ah a hlawhtling khun tiah thangthat a tong taktakmi a si.
Culawng siloin mipi nih an uar khun nak pakhat cu atulio kawlram dirhmun ah hin model rian a dinhtak diam i mipi he lungkhat tein a dir ngam tu zong a si fawn. Atulio kawlram mipi vialte nih an thangthat tukmi pakhat cu , Patricia hi kawl ralbawi mirum taktak fapa pakhat nih zaankhat chung Hotel minthang taktak ah riah ti dingin le zankhat ah phaisa ting 180 pek dingin a rak sawm i , Patricia nih a lehmi konglam hi a si.
Midang te cu si hna sehlaw , zankhat i ting 180 hmuh ding cu vanthat a timi zong an um kho men.Asinain .Patricia’ nih cun hitihin a leh mei ko. “Hitluk rambuai lio le kan thi la maw kan nung la kan ti lio ah , minung thinlung zong a pu velomi ralkap bawipa fapa nih keimah he ai thei hngal ngaimi minung pakhat a rak thlah i , zaankhat ah ting 180 peng dingin Hotel riahpi dingin a rak ka chimh.
Keimah hi Model riantuanmi ka si i ram abuai ruangah ka rian zong ka dinhtak i mipi he lungkhat tein kan dir ti tikah rian angeilo i phaisa a duh ko lai timi lungput he phaisa ting 180 peng ding cun a van ka hlan.Si ee kan nih cu nanmah bantuk in phaisa kan ngei lo i kan rum lo.Asinain kan ngeihmi chun te hi a zatawk tein kan hman i kan ei i kan ding ko.
Phaisa a duh ko lai timi ruahchan nak he tubantuk hin fawizang tein ka hlan khawh lai i ka itpi khawh lai tiah rak ka ruat hlah ‘SO SORRY’ tiah fak taktak in mipi hmuh ah a thiltonmi kong cu a post. Hi thawngpang a theimi kawlram mipi vialte an thinhung dih i Model ‘Patricia’ zong an dirkamh dih pin ah a hlan nak in a lettam pi in an uat nak zong an langhter cio ve.
Leave a Reply