Kan Lairam te ah sifak le canfak tuk in khua kạn sa hna. Kan duhmi cu kan i fiang ko hna nain, hi sifahnak nih sal ah a kan hruai. Uknak tha lo ralhrang pennak ruangah a si. Kan thinlung le pum nih a hlam mi zong kan ei kho lo. Kan hmang kho lo. Kan cawng kho lo. Lung a fak tuk. Cu caah, Pathian kan zumhnak nih pumsa le thlarau in kan khamh ve cang seh tiin “Salvation Today [Nihin Khamhnak]” tiin MIT, Yangon ka thesis ah ka rak tial.
Pathian nih kan miphun caah khua a khan mi a rak um. Ralzam sinak in ram thangcho ah kan phan hna. Kan ruah phak lo tiang in Pathian thluachuah kan dong cang. Burma ram ralhrang hna hmanh kạn dir-onh ngam ve cang hna. Kan dihlak in kạn tanti hna ahcun teinak cu kan hmuh fawn lai. Pathian nih kan dirkamh ko seh!
Ramdang a phan mi kan fale tampi nih sianginn thatha an kai khawh i degree a kan hmuhpiak ding mi hi kaa ngaih tukmi a si. A hmumi an tam ngai cang. Burma ram i kạn fale belte nih sianginn kai kho lo in ram tang le thing tang ah meithal nan tlaih i ral nan doh tu hi cu lung a fak taktak. Teinak kan hmuh i zalawnnak kan ngeih tikah cun nan temtuarnak vialte hi philh caan a um te lai. Teinak nan hmuhnak ding caah Pathian hi bochan ko u.
Nihin cu New York khua ah Lg. Julie Sui Men Tang, Pu Stanley Hram Uk fanu, nih medical doctor degree a kan hmuhpiak mi kan lawm. Kaa ngaih tuk mi a tling ciahmah. C Duh Kam
Leave a Reply