Press "Enter" to skip to content

Ka Neihniam A Si Mi Nih A Ka Tleihhrem

Hihi ka hawi nu nih a chimmi ka vun funtawm i ka vun thlah hlan ah a mah ka rel ter mi asi. Amah nawl in ka thlah mi asi. A sinak vennak caah amah hmanthlak cu kan chia lai lo. Theihthiamnak kan nawl

Tu kum ahhin kum 20 ka si ve cang. Kum 8/9 hrawng ka si lio ah kan chungkhat asi ve mi pakhat kan inn i a um tawn mi nih a ka tlaihhhrem tawn. Hngakchia te ka si caah zeihmanh ka rak chimh ngam lo. Khuadang i sianginn kai ding i ka kal hlanah a caan caan ah a ka tlaihhrem peng. Kum 2 chung bak a caan caan ah a ka tlaihhrem tawn. Zeihmanh ka chim ngam loh ka chungle. Na chim ahcun kan thah lai tiah a ka ti i, ka ttih tuk.

Ka chim duhmi cu, a tu cu daling hna ka ngei ve. Pasal hna ka ngei ve te ko lai, asinain ka pasal cu ka thianghlim lo mi hi ka chim ngam bal lai lo, ka thin hi a fak tuk a celh ka celh lo. Ahohmanh nih an thei loh, asinain keimah hi sual kai phawt tawn. Thianghlim le thianghlim lo hi theih colh khawh asi mo? Virgin tthan khawh asi ti lo cu ka theih ko nain, zeitin tal ka lung ka nuamh ter kho lai maw? Ka bawm hram u.

Cun a caan caan ahhin, Nuva sinak hman duhnak te hna hi a rak chuak tuan, ka taksa nih a duh tuk tawn, ka ttih tuk. A caan ahcun keimah leh keimah hna hi rak i tongh (masturbate) ka duh tawn. Asinain cauk pakhat i ka rel mi ahcun nuva sinak hman loh peng ahcun a ttha kho tthan tiah ai ttial, mah cucu a hman hnga maw? Asiloah nuva sinak hman duhnak a chuah tikah keimah le keimah rak i tongh cu a pawi hnga maw? Zaangfahnak in ka bawm hram uh.

Be First to Comment

Leave a Reply

Your email address will not be published. Required fields are marked *