Fight Sport News Update : Japan Fighter Nih Aung La Nsang Cu Fak Taktak In Lehnak A Tuah Cang

Aung La Nsang cu Japan fighter minthang pakhat asi ve mi Yushin Okami cu iphomh ding ah aherhmi hnatlaknak le minthutnak tiang an tuah dih cang tiah zumh asi. Hi Fighter pahnih hna cu mipi theihternak um lo in izuamcawlhnak ding puai asi khawh nak ding caah caan sau ngai an rak iceih lengmang cang mi hna zong an si. Nihin caan ah Aung La Le Okami puai sinak ding cu aa naih thluahmah cang hi asi.

A liamcia caan ah Aung La Nsang cu Weather Champion Abbasov nih iphomh dingin a zuamcawlk ko nain Aung La nih Japan fighter Yushin Okami he i phomh a duhnak kong a rak phuang cu a si. Cucaah Yushin Okami zong nih nizan ah Champion taisawm pahnih co tti bal mi Myanmar fighter Kachin kan unau pa Aung La cu lehnak a vun tuah ve cang hi asi.

Yushin Okami nih lehnak atuah ning ahcun, A si ko Champion taisawm 2 ngeikhawhtu na rak si bal caah upatnak kan pek. Japan ah kan i zoh te lai cu tiah Okami nih twitter account in Aung La cu lehnak a tuah hi asi. Cucaah Aung La le Yushin Okami hna puai cu Japan ah tuah dingmi One on Prime Video 4 timi zuamcawlhnak tlangtar puai November 19 ah a tel kho mi asi tiah ruah asi.

Japan ah Aung La le Vera an rak iphomhnak One Century hnu ah Onechampionshin nih Japan ah puai an tuah tthan hi asi. Cu One Century puai lio ah Okami nih atuanbia ah a voikhat nak teinak arak ngah nak zong asi. Aung La zong nih Japan ah puai 2 aa phomh mi chungah puai hnih ningin second round ah teinak arak hmuh kho mi cu asi ve. CUcaah Japan mipi hna hmaiah Aung La nih teinak ahmuh rih kho hna maw timi cu ingeih ngaingai awk cu asi.

Be the first to comment

Leave a Reply

Your email address will not be published.


*