Delhi Ah Kanmah Leimi i Thahnak Kong ah “Facebook Comment” Hmangin Mi Thattu pa A Lang Sual (Rel Cio Hmanh Uh)

A liamcia thla 3 hrawng a raumi ah khan Delhi ah kanmah leimi Mizo kan unau a simi nungak Lalruatkimi (kum 26) cu a umnak inn ah thicia in an hmuh tiah theih a si i hikong he pehtlai in amah tein a rak thimi a si taktak bal lailo tiah mi vialte an lung a hring dih i a thattu taktak theih a si rih fawnlo tikah biadik theih dingin hmalak cuahmah lio a si. Mithi Lalruatkimi nih hin a thih hlan deuh ah hin a pa a phone i ” ka pa phaisa a ka batmi hna pawl kha an ra i an leiba man ah an thil ka tlaihmi hna zong an rak ka chuh dih than tih an nung taktak ka tihtuk hna ka pa” tiah a pa a rak phone tiah theih a si.

Cuti i a pa a phone hnu can raulo te ah a umnak inn chung ah thicia in hmuh a si tiah thawng theih a si colh tikah amah phaisa abat tu hna nih hin leiba pek duhlo in amah hi an thah i a si ko lai timi cu chim haulo in mipi thinlung ah aum dih cio. Mizoram social media group kip ah hi a thihnak kong he pehtlai in thawngpang tampi a chuak i mipi an thinlung a fak dih.Mifir cu dawilo tein anmah tein an zam ti an si bantuk in Lalruatkimi thihnak kong he pehtlaiin fb hmangtu (min langhter lomi) pakhat nih comment ah ca a rak tial ve i mipi an lau dih.

A tialmi cu ” Lalruatkimi a thihnak ah hin a hmun bak ah keimah hi ka um ve , ka hawile hna amah that tu ah nan hei puh hna nan ning hmanh zaklo in , Lalruatkimi tham cu amah tein ai thatmi pei a si ko i a bathroom chung ah a rak i awk ko cu te. Cun sii a tawngmi a si i OD(Overdose) in a thimi a si.Postmortem an tuah lai i a result a chuak lai i nan fiang ko lai. Keimah bak hi a hmun ah a um mi ka si ” tiah fb comment ah a rak tial.

Cu a comment mi zapi nih an hmuh tikah cun abia umkal ning an zoh tikah amah bak hi Lalruatkimi a that tu ah ai tel ve i a si lai tiah an lung hrinh dih colh. Zeica tiah hi catialtu pa nih hin hmanthlak zong a tar chih i Lalruatkimi inn ah kan va kal ah hin a thazang a rak dih tuk cang a ti i hmanthlak pakhat (kan thlen thir) timi khi a chiah chih. Cun a Bathroom chungah a rak i awk mi a si” tiah a tial fawn i hmanthlak pakhat deuh khi a chiah fawn. A bia umkal ning zoh tikah a zei deuh hi dah zumh awk asi timi hmanh a fiag kho tilo.

Cucaah hipa hi amah tein mi that tu a sinak a rak i phuan bantuk a si tiah mipi nih amah cu mi thattu ah ruah dih cio asi.Asinain thil sining tak tak a fian khawh rihlo caah an buaipi cuahmah lio a si. Lalruatkimi hi mino te a si rih i kum 26 lawng a si rih. A hawi le phaisa a cawih hna i an pek khawhlo ruangah thilri in leiba ai ah an va pek ti a si. Asinain a hnu ah cu thilri an pekmi zong cu an va chuh than i , Lalruatkimi nih hin” phaisa nan ngei thiam ko le a phaisa tu in ka pe te ko u” a rak ti ve hna.

Cutikah leiba a bat tu hna nih cun ” daite khan um ko sizung na phan sual lai na bia tamtuk hlah ” tiah an rak hro cer i cukong cu a pa sin ah a rak chimh kha a si. Cu tlawmpal a rauh ah a umnak inn ah thicia in hmuh a si tikah hin mi vialte ruahnak ah a hawi le phaisa a cawihmi hna pawl kut hrimhrim in a thimi a si ko tiah ruah cio a si.Culawng hlah fb comment (a cunglei kan tialmi) a hung langh hnu chinchin lebang ah cun nungak lalruatkimi (Kum 26) hi amah tein a thimi a silo i OD(Overdose) in a thimi zong a silo mi kut in a thimi bak a si timi cu 99% a hung fiang chin lengmang ko cang. A rauh hlan ah misual ( mi thattu) pawl cu tlaih hrimhrim si ko hna seh.

Be the first to comment

Leave a Reply

Your email address will not be published.


*