Press "Enter" to skip to content

Chinmi Kan Mual Pho Than : Hlawhfa In Japan Ram Ah Rian A Ttuanmi Chin Nu Cu

Mi zapi an i cuanmi metro chung bakah a si fawn i daithlang taktak in bawli zong nawh lo bakin a thawhka hlah maw a si ti awk ding tiangin. Zoh chia in a um cu a si. Hi lio hi an mah lei Japan pakhat nih hman a thlak i internet ah Burmese nu pakhat a thinlung lam a tlau tiah tlangtar bunh in a post.

(Note: Mah hi hman a thlatu Japan pa nih a young woman from Myanmar a ti caah Lai or Chin tlang cungmi a si lai tiah an zumh). REF:Japan

Thawngpang dang relchap >>>>>>

Thantlang Khuachung Phungninglo Hnawmhlonh Mi A Hmutu Nih Phuan Ah Cun Lawmman 50% An Pek Hna Lai

Thantlang khuachung thianhlimhnak kongah phunning lo le daithlang tuk in hmun hnawm a hlonhmi hna a hmu i sipin zungah phuannak (report) a rak tuahtu hna cu lawmman laksawng 50% pek nan si lai tiah Thantlang sipin nih July 5 ah nawl a chuah.

Chin ramkulh sipin nawlngeitu hna caanhman tonpumhnak (13/2019) biachahnak 37 (q)ning bantuk in khua chung thianhhlimhnak le riantuan lio ah phungning lo in hmunhnawm a thle in a hlonhtu hna a hmumi nih thawngthanhnak a kan tuahmi cu dantatmi chungin 50% cu lawmman laksawng pek an si nak lai biachahnak an ngeih mi cu July 1 ah Thantlang khua zong theihternak ca kuat an si.

Cucaah Thantlang khuachung zong ah phungning lo in hnawm a thle tu hna zong fakpi in dantat an si lainak kong, hnawm an thlet a hmu mi nih a tanglei pehtlaihnak (ph: 070-60096, 09897090310, 09454477440) le zungah phuannak (report) tuah khawh a si nak cathanh chuah mi ah aa tel.

Cubantuk in khuachung lampi pawngkam dawrkhan le inn chungkhar khuasa mi hna nih hnawmbawm ah hman mi, Caku bawm, Sala-eih le Thingngiah chiahnak bawm cu hman ti lo ding le, khuapi he aa tlakning in hnawm bawm tha mi tein July 6 hlan ah nan thlennak lai, zohfelnak ngeih tik i a thleng lo mi cu fakpi in dantat an sinak lai le nan inn le dawr hmai cio thianhhlimhnak nan tuah dih cio nak lai tiin Thantlang sipin nih thawngthanhnak a tuah.

Be First to Comment

Leave a Reply

Your email address will not be published. Required fields are marked *