Press "Enter" to skip to content

Ben Ben Hla cu Lai Nungak Muidawh Bak Nih A Rak Sak Ve Ko, Benben Cu A Lau Lo Awk Tha Loh (+Video)

Benjamin hi tutan myanmar idol ai tel hlan ah hin milar ngaingai a rak si cang mi chin singer pakhat a si ti cu mi zeimawzat nih cun kan theih lai nain chinram kulh dihlak nih theih mi cu a si lem loh. A nih hi mizo hla le falam hla a sa mi a si i a kum a no rih bangin hla tampi a ngei rih mi le a sami cu a si loh.

A tu i kan van tar mi hla te hi Benjamin nih a sak mi hla a si, Benjamin hla a si. Kan i palh lo ah cun hi hla hi nikum silole tukum kum hramthok lei ah ai chuahmi hla a si. Benjamin hi awtha le hlasakthiam ti hrat ah zeibantuk hla paoh hi ai tlak ngaingai i hla rock lawng siloin hla nem mi tete zong ai tlak ngaingai.

Kan lainu ah cun hi tluk ai dawh mi le duh a nung mi hi an tam hnga hme maw tiin a tu lio i online ah a lar taktak mi lainu sitsit bak a simi Shin Bia nih Benjamin hla cu live bak in a van cover i a thiam khawh ning hi cu a mak lawlaw. A hla sak mi ahhin a mood a um i a ngai tu pawl cu vawlei dang pi ah an kan um ter rua ti tiang in a thiam. A sak lio ah hin a satu hi a tap pah rua ti tiang in a thiam. Benjamin zong nih a rak duh tuk ve i si lai a share zong a share piak i hitluk in hi hla hi a rak i dawh le a that hi ka thei balloh ti tiang in a caption ah a chiah. Van ngai ve.

Video a tanglei ah a hla sak mi kan van thil chih.

Thangpang dang relchap >>>>>>>

Zaangfak Tete In E : A Pasal A Dam Lo Mi Cu, An Nu Nih A Tlik Tak I A Fapa Mipa Kum 7 Mi Nih A Zoh Khenh E

Nu le Pa dawtnak ,an ca i thlachuah nak a si hnga ding mi fa naute hna hi,thlachuahnak a kan petu cu a si taktak ko. Ou Yanglin hi mipa hngakchia sawhsawh a si ve ko. Southwest China Guizhou Province, Wangpu khuaah a pa he an um ti si. Hi grade 1 a cawng lio mi hngakchia te hi, zingfatin in suimilam 6 ah a tho i, a pa hi a zohkhenh tawn ti si.

Rawlchuan le chungkhar a herh mi hna cu a kutah hin a um a herh mi asi tikah, sianginn akal hlanah hin, a pa eiding a serpiak i, cu hnu cun, sianginn leiah cun a kal tawn.Ou Tongming hngakchia apa kum 37 mi hi,a keng in a tanglei vialte cu, a zeng dih ti si i, hi thil hi kum 2013 lio ah khan inn saknak in a tla i, a tubantuk hin, vanchiatnak a tawn mi cu a si tiin an chim.

Cu ti cun caan a rak kal lengmang tikah cun, an tangka ngeih mizong cu an hman dih cang i, anupi nih cun, an fa hngachiabik cu a hruai i, anpa fa cun a tliktak hna tiah an chim. A dam lo ruangah cun,an pafa cun an sifaktuk ko cang tiah an chim mi cu a si. apa zohkhenh tuding midang an um lotikah cun, hi hngakchia feltuk mi nih hin apa cu a zohkhenh cang .

Sianginn ttum in hnawmhne hna cu, aphiah ve tawn i, Yuan 20 hrawng cu a hmuh ve tawn i, cucu apa nih disability fund $ 66 a hmuh mi he cun an paw cawnnakah cun an hman ve ti si.” Kapa nih hin sii a herhtuk ko nain a cawknak ka ngei fawn lo ” tiin a chim .a pa nih hin, bedsores a ngeihtuk i, sihmanhsehlaw, a sikhawh zong sikhawh lo zongah,a ihnak te hna cu a her piak i a zoh ve tawn tiah mitin ahmu mi hna nih cun an chim.

Pa a sibantuk in a pa Tongming nih, a ruahtikah cun, a fapa caah hnawksak le rit phur ka si ti cu, atheih tikah cun,amah le amah tah a timtawn nain, A fapa amah longin a um lai mi cu, a ruah tikah,a sian lotuk caah a chung lei i, thinlung cu a faktuk ko ti si.

Yanglin hngakchia te nih cun, patling si cang ninglaw, kapa zohkhenhnak caah tangka kawl ve ka duhtuk ko cang tiin a pa pongah cun a chim i, apa tello cun a umkho fawn lo caah a pa cu a kuah tawn i, cu bantukin apa a kuah lio cu, mi nih an hmuh tikah cun, fund kawl piak dingin an rel tiah an chim i, Online leiin fund cu ankawl piak hna i, a rauh hlan ah 12500 yuan, an hmuh piak hna tiin an chim mi cu a si.

Be First to Comment

Leave a Reply

Your email address will not be published. Required fields are marked *