Bago Ramṭhen, Paungde Ah Nuva Hna Cu Aho Hngalh Lo Kut In An Thi

Bago ramṭhen nitlak lei, Paungde(ပေါင်းတည်) peng, Kyauktakha (ကျောက်တံခါး) khuakomh, Yauksai(ရုပ်ဆိုင်) khua pawng ah nuva a simi U Than Lwin(kum 60) le Daw Tin San(kum 59) hna cu kahthah an tong, tiah theih a si. Kyauktakha(ကျောက်တံခါး khuabawi hlun a simi a hringtu nulepa an si, tiah theih a si.

“Nuva hna cu August 27, chun suimilam 12:00 hrawng ah aho hngalh lo mi nih an thah hna. An kah hna lio ah Meithal thawng voi 5 kan theih,” tiah chungkhar he naihniam in ummi pakhat nih a chim. Nupa hna cu thah an ton hnu ah, an phum tak hna, tiah theih a si. Paungde(ပေါင်းတည်) peng tualchung hriamtlai phu hna nih cun anmah tuahmi a si lo kong an chim.

August 10 lio zong ah khan Paungde(ပေါင်းတည်) peng ah dalan ti in a min thang ngai mi Kaikun(ကိုင်းကွင်း) khuami pa pakhat le Latpankhone(လက်ပံခုံ) khuami pa pahnih cu thah an rak tong bal cang. Cu thilcang kong zong ah cun Paungde(ပေါင်းတည်) tualchung hriamtlai phu hna nih anmah thah an si lo kong an rak chim.

A voikhatnak pa pahnih le tutan nuva hna thah an tonnak kong ah, zei bantuk hriamtlai kut in thah an ton atu tiang ah cathanh chuahmi a um rih.crd the chin post

Be the first to comment

Leave a Reply

Your email address will not be published.


*