Atu video kan rak tarlanghmi hi 24/9/2022 ah Aizawl Bawngkawn Somo Stand thlang zun inn ah motor phen ah thil a cangmi a si i , nungak pakhat le a hawipa tlangval pa khat cu anmah pahnih telawng caan tha an la i tubantuk in a thli tein mi pakhat nih video a rak lak mi hna a si. Hi hna pahnih hi video na zoh cun na hmuh bantuk in rih-sii an rak i chun cuahmah lio ah video a va lak hna hi a si. Lamhla deuh in a lak hna caah an i theihlo i cuticun sii cu an i chun men ko.
Mizoram ah hin mino tampi cu rit sii ruangah hin lam thalo ah an kal cang hna i pa lawng hmanh siloin a hlei in nungak muidawh tampi zong sii an i chun, rit sii an ei i cuticun an duh ning poah in khua a sami an tamtuk cang. Hi sii an i chunh nak ruangah hin zawtnak thalo , a hlei in HIV zawtnak zong a karh khunnak a si tiah Mizoram Health Department lei nih cun report an tuah nak ah an chim. Tulio ah hin india ram pumpi ah Mizoram hi HIV zawtnak a am bik nak state a si cang tiah theih a si fawn.
Tubantuk in mizo tampi sii le rihnak phunphun ah an kal tikah an nun a rawk chin thluahmah i chungkhar zongah an tlumtla ngam tilo. Cuticun Biakinn zongah an lang ngam tilo i an nun cu lam thalo lei ah a pial thai cang. Hibantuk minung ko hi Pathian riantuantu hna nih tha tein zohhenh i rawl pek hna i cawnpiak hna ah cun thil tha taktak a si hnga. Cucu Pathian tiantuan taktak zong a si fawn.
Leave a Reply