Nudawk padawk, Mawngkuahur, Tuai, A chauh kan ti mi hna Nu si ttung i Nu he ai uar mi, Pa si ttung nain Pa he ai uar mi pawl le, mah neih mi aikaht bak ko nain nupa nun a hmang mi hna hi research an tuah ning i an hmuh chuah ning ahcun kan Chim ramchung, le kan unau Mizoram chung lawng ah minung 765 bak an tling cang tiah theih a si.
Zeiruangah dah hi tluk in kan ramchung ah mah neih mi aikhat bak mi minung ai uar mi le, nupa nun zong a hmang mi, ai tthi um mi tiang hi zat zat kan um hi ruahlo awk a ttah ti lo.
Hi bantuk in kan Baibal he ai kalh bak ti an theih buin zalong tuk in a um mi hna an nun ning le an khuasak ning an i thlen khawh naak ding ahcun Khrihfabu hi kan biapi bik i, a pahnih naak ahcun Media pawl hi kan si.
Khrihfabu nih cun zu ding mi hna le, zu zuar pawl cu heh tiah kan doh hna i, khrihfabu chung hna in kan tthawl dawi kan chuah hna, khuatlang hruaitu hna nih an inn le an lo tiang chuh mi zong an um hna. A Si nain an mah naak in buaipi awk tak tak a si i Nudawk padawk pa le pa ai uar mi, nu le nu ai uar mi pawl bia tak tein kan buaipi mi hna lo hi a poi tak tak.
Micheukhat lebang nih cun hi bantuk in a lettalam in a um mi pawl a soisel tu hna cu heh tiah kan doh chap hna i, an mah nun te a si ko, an si naak khi an duh ve hlei lo Pathian nih a ser daan han a si i zeihmanh kan i ceih awk a si lo tiah kan ttanh chap rih hna.Khi bantuk in dirpi tu kan nei ti an i theih ruangah an sinaak cu i zahpi loin hi tluk hin social media chung zongah an i langh ngam naak le an karh chin chin naak hi a si.
Hi bantuk in a lettalam in khau a sa mi hna hi ule nau nu le pa nih an hngakchiat lio tein biatak tein cawnpiak hna usih law, kan zumhnaak he zong ai kalh bak mi Pathian duhlo mi a si ti hi chim peng hna usih.
Leave a Reply